Бюро 24/7 Playlist: 93// Kidult-ийн хамт олон яг одоо ямар хөгжим сонсож байна вэ?

Өвлийн улирал ойртож буйг сануулах цас бударсан өдрүүдийг 93// Kidult брэндийн дизайнер М.Нямсүрэнгийн санал болгох хөгжмийн жагсаалтаар өөдрөг болгоорой.

Тэрээр Бюрогийн уншигчдад зориулан сүүлийн үед сонсож буй электроник, панк, нео-соул, альтернатив, хип хоп зэрэг төрөл бүрийн урсгалаас бүрдэх дуу хөгжмийг хуваалцсан юм. Түүний хувьд аялгуулаг дуу хөгжим болон сонирхолтой хийцтэй клип нь бүтээлч санааны эх үүсвэр болдог ба зарим үед шинэ бүтээл хийх урам зориг төрүүлдэг байна.