Хайх

JW Anderson X Johnstons of Elgin брэндүүдийн хамтрал

JW Anderson X Johnstons of Elgin брэндүүдийн хамтрал

Text: Ж.Булган


Алдарт дизайнер Жонатан Андерсоны үүсгэн байгуулсан JW ANDERSON брэнд болон Шотландын ноос, ноолууран хувцасны Johnstons of Elgin хамтран шинэ капсул цуглуулгаа танилцууллаа.

JW Anderson X Johnstons of Elgin брэндүүдийн хамтрал (фото 1)

229 жилийн түүхтэй Шотланд гар урлалын Johnstons of Elgin-ий уламжлалт арга техник, JW ANDERSON брэндийн бүтээлч санаа, график хээгээр баяжуулсан тус цуглуулга нь пальто, ноосон цамц, ороолт зэргээс бүрдэнэ.


Улаан өнгийн хоёр эгнээ товчтой пальто нь Шотланд дөрвөлжин хээг илүү томоор буулгаж, бүдүүн ширхэгтэй нэхээс энгэрийн зах хэсгээр сэмэрсэн мэт байдлаар зохиомжилжээ.

JW Anderson X Johnstons of Elgin брэндүүдийн хамтрал (фото 4)

Жаккард ноосон цамцны хувьд мөн адил дөрвөлжин хээтэй загвартай бөгөөд Шотландын Хауик хот дахь Johnstons of Elgin-ийн үйлдвэрт сүлжин боловсруулсан байна.


Ороолтын хувьд цэвэр ноолуураар бүтээгдсэн бөгөөд Johnstons of Elgin брэндийн 1930-аад онд гаргаж байсан хурганы дүрсийг JW Anderson-ий 2026 оны ресорт цуглуулгад танилцуулсан Ribbon Anchor хээтэй хослуулсан байна.

Төстэй нийтлэлүүд

Buro 24/7-гийн сонголт

цааш үзэх