"Номадинк" наадмаас Улаанбаатарт бэлэглэсэн шинэ граффитинууд
Баярлалаа
Хотын урлаг ба соёлын солилцоог түгээн явуулах зорилгоор зургаан өдрийн турш зургаадугаар сарын 20-25-ны хооронд зохион байгуулагдсан "Номадинк" фестивалийн зургууд Улаанбаатар хотод өөр, шинэ уур амьсгал авч ирээд байна. Энэхүү наадмыг эрээлбэр зургаар мэргэшсэн монгол уран бүтээлчид санаачлаж, олон улсын граффити зураачдыг хамруулан зохион байгуулжээ.
Тэд зургаан хоногийн турш Улаанбаатар хоттой танилцаж, музей үзэн соёлын солилцоо хийж, граффити зурж, Nikel Ganba дугуйн брэндтэй хамтран шинэ бүтээл хийх зэргээр олон сонирхолтой арга хэмжээ зохиосон харагдана.
Мөн "Номадинк" фестиваль нь "Улаанбаатар олон улсын медиа урлагийн наадам"-тай хамтарсан инсталляц хийж, Занабазарын нэрэмжит Дүрслэх урлагийн музейн урд байрлуулсан байна. Тэд монголын нүүдэлчин ахуйн гол хэрэглээ болсон үхэр тэргийг, орчин цагийн хотын урлаг болох граффитигаар чимжээ.
Тус фестивальд оролцсон Малайз, Хонг Конг, Өмнөд Солонгос болон Монголын уран бүтээлчид болох Nomadink, Moshu, Dirtyfatpanda, Artimejoe, Royal Dog, KenjiChai, cloakwork, Dreams, Mr . Ck, Emak, Dasher нар хамгийн сүүлийн үеийн чиг хандлагатай дараах зургуудыг Улаанбаатарт үлдээлээ.
