Энэ өдрийн видео: “Rogue One: A Star Wars Story” киноны зураг авалтыг хэрхэн хийсэн бэ?

"Rogue One: A Star Wars Story" кино нь арванхоёрдугаар сарын 16-нд нээлтээ хийхээр төлөвлөгдсөн байна. Нээлтийн хугацаанаас өмнө тус киноны уран бүтээлчид тизер, трейлер ба зураг авалтын хэсгээс цухуйлгаж шүтэн бишрэгчдийн тэсвэрийг алдагдуулж байгаа. Өнгөрсөн амралтын өдрүүдэд болсон "Star Wars Celebration Europe 2016" цуглааны үеэр Lucasfilm кино компаний төлөөлөгчид "Rogue One: A Star Wars Story" киноны зураг авалтын хэсгээс харуулсан гурван минутын бичлэгийг цацжээ. Уг бичлэгт бид цоо шинэ баатрууд, сансрын хөлөг, хотууд, далайн эрэг зэрэг гайхалтай дүр зургийг харж болно. "Rogue One: A Star Wars Story" кино нь "Star Wars"-ын ертөнцийн тухай өгүүлэх цуврал кинонуудын анхны анги болж байгаа бөгөөд "Оддын дайны" өмнөх гарсан ангиудтай үйл явдал нь шууд холбогдолгүй юм.