Энэ өдрийн видео: Людовико Эйнауди Арктикийн далайд төгөлдөр хуур тоглож байна
Умард туйлын гунигт хөгжим
Италийн хөгжмийн зохиолч, төгөлдөр хуурч Людовико Эйнауди “Elegy for the Arctic” нэртэй цоо шинэ бүтээлээ Арктикийн далайн усан дээр тоглож үзүүлжээ
Арктикийн мөснүүд хайлж аюулд ороод байгааг хүн бүр л мэдэж байгаа. Тиймээс энэ талаар дахин сануулахаар Greenpeace байгууллага Арктикт зориулсан гашуудлын хөгжим зохиож өгөхийг хөгжмийн зохиолч Людовико Эйнаудигаас хүсчээ. Харин Эйнауди шинэ бүтээлээ Шпицберген арлын эрэг дээр, далайн усан дунд тусгай хөвдөг тавцан дээр тоглож үзүүлсэн байна. Түүнийг төгөлдөр хуур тоглож байх зуур жинхнээсээ мөсөн гол хайлж байсан нь энэ асуудалд анхаарал хандуулах ёстой гэдгийг дахин батлах шиг боллоо.