Германы алдарт зурагчин Юрген Теллерийн авсан Céline-ы сурталчилгаа

Céline брэндийн бүтээлч захирал Фиби Файло намар-өвлийн улирлыг чөлөөтэй хэлбэр дүрснүүд, oversize загварууд болон бүүдгэр өнгөөр илэрхийллээ. Цайвар шаргал, цэнхэр ба хар өнгө давамгайлсан уг цуглуулгын зураг авалтыг Юрген Теллер тайван уур амьсгалтай орчинд авчээ.

Үргэлж өөрчлөгдөж байдаг, байнгын завгүй их хотын амьдралд Céline-ий трапеци хэлбэрийн өргөн өмд, галбир бариагүй даашинз, сул тренч цувнаас бүрдсэн намрын цуглуулга бага ч болов уу тайвшрал авчирч буй мэт мэдрэмж төрүүллээ.