Jacquemus энэ зуны гол хоёр өнгөөр улбар шар болон тод ягааныг нэрлэлээ

Францын Jacquemus брэнд зуны улирал албан ёсоор эхэлснийг тэмдэглэн цөөн тоогоор үйлдвэрлэгдэх капсул цуглуулга гаргалаа. Цуглуулгад нийт 13 төрлийн загвар багтсан бөгөөд бүгд зөвхөн тод ягаан болон улбар шар гэх хоёр өнгөөр хийгджээ. Коктейль даашинз, нимгэн пиджак, шоорт болон туфлинээс бүрдсэн уг цуглуулгад мөн Le Chiquito болон Bambino бестселлер цүнхнүүдийн тод өнгө бүхий шинэ хувилбарууд багтсан байна.

Эргэн сануулахад, 2020 оны зуны улиралд зориулж Симон Порт Жакмюс тод ягаан өнгийн капсул цуглуулга гаргаж байсан билээ.

Jacquemus-ийн шинэ цуглуулга брэндийн вебсайт дээр худалдаалагдаж эхэлсэн байна.