London Fashion Week дээр Topshop найман залуу дизайнеруудын загварыг дэлгэнэ
Ойрын хүндээ тусалсан нь
Хэрвээ манай Монголд British Fashion Council шиг ажил үүргээ сайн гүйцэтгэдэг, дотоодын загварын салбарт юу болж буйг сайтар судалдаг байгууллага байсан бол дэлхийд танигдсан залуу авьяастнууд олноороо төрөх байсан байх. Харамсалтай нь одоохондоо залуу дизайнерууд өөрсдөдөө найдаж ажиллах болж байна. Харин Их Британид бүх юм эсрэгээрээ байдаг. Жишээ нь масс зах зээлийн томоохон брэнд Topshop NEWGEN төслийн хүрээнд залуу уран бүтээлчдэд тусалж байна. Брэндийн дэмжлэгийн ачаар найман шинэхэн маркууд Лондонгийн загварын долоо хоногийн үеэр өөрсдийн намар-өвөл 2016 цуглуулгаа танилцуулахаар болжээ. Ashley Williams, Claire Barrow, Danielle Romeril, Faustine Steinmetz, Marta Jakubowski, Molly Goddard, Ryan Lo ба Sadie Williams гэх азтануудын заримыг нь бид өмнө нь сонсч байсан ч, зарим нэрсийг анх удаа сонсож байгаа билээ.
NEWGEN төсөл 1993 оноос хойш хэрэгжиж байгаа билээ. Төслийн хамт олон тухайн үедээ Александр МакКуин, Кристофер Кейн, Жонатан Сондерс, Жонатан Андерсон, Marques'Almeida-гийн Марта Маркеш ба Пауло Альмейда зэрэг дизайнеруудыг дэмжиж байсан түүхтэй. Тиймээс тэдний анхаарал маш нэр хүндтэй гэсэн үг юм.
