Уорхол, Кусама, Харинг ба Баския нарын уран бүтээл Uniqlo-гийн шинэ цуглуулгад
Бүхэл бүтэн галерей мэт
Uniqlo-гийн хамт олон брэндийн футболк дээрээ алдарт зураачдын бүтээлийг хэвлэж, урлагт хайртай хэрэглэгчдээ баярлуулсаар байна. Шинэ цуглуулгад дөрвөн алдартай уран бүтээлч хамрагджээ
Японы Uniqlo брэндийн UT SPRZ NY гэх цуглуулга нь поп арт салбарын зураачдын уран бүтээлийг эрэгтэй, эмэгтэй загварын энгийн футболкон дээр хэвлэж гаргадаг онцлогтой билээ. Саяхан энэ цуглуулгад хэд, хэдэн шинэ загвар нэмэгдээд байна. Үүнд Энди Уорхол, Яеи Кусама, Кит Харинг ба Жан-Мишель Баскии нарын хамгийн шилдэг уран бүтээлүүд багтжээ. UT SPRZ NY цуглуулга одоогийн байдлаар зөвхөн Нью-Йорк хотын Манхэттан дах албан ёсны дэлгүүрт нь худалдаалагдаж байгаа ч тун удахгүй дэлхий даяар түгээгдэж эхлэх гэнэ.
