Бюро өдөр тутам: Өнөөдрийн онцлох үйл явдлууд
2016 оны арваннэгдүгээр сарын 18
Нийслэл хотод өдөртөө -14 хэм, шөнөдөө -16 хэм хүйтэн, бага зэргийн цас орно гэж Ус цаг уур, орчны судалгаа мэдээллийн хүрээлэн мэдэгдсэн байна. Өнөөдөр үсээ засуулахад тохиромжтой буюу сайн нөхөртэй нөхөрлөнө гэж дорнын зурхайд тэмдэглэжээ.
• Өнөөдөр XIV Далай лам Монгол улсад ес дэх удаагийн айлчлалаа хийх болно. Тэрбээр энэ сарын 19-нд Гандантэгчэнлин хийдэд ард олонд зориулсан ном хурна.
• Өнөөдөр Жоан Роулингийн зохиолоос сэдэвлэсэн "Fantastic Beasts and Where to Find Them" кино Улаанбаатар хотод нээлтээ хийж байна.
• Өнөөдөр Metallica хамтлагийн "Hardwired...to Self-Destruct" нэртэй арав дах бие даасан цомог худалдаанд гарна.
• Өнөөдөр Лос-Анжелесын авто үзэсгэлэн 2016 эхэлнэ. Энэхүү арга хэмжээнд шинэ гарсан автомашин болон автомашины технологийг танилцуулдаг бөгөөд арваннэгдүгээр сарын 18-27 хүртэл үргэлжилнэ.