Amazon-ы дроноор хүргэлт хийх шинэ рекламанд Жереми Кларксон тогложээ

Шинэ сурталчилгаанд Amazon компаний шинэхэн үйлчилгээ хэрхэн, яаж ажилладаг талаар дэлгэрэнгүй харуулсан байна. Prime Air дрон нь хөөрөх, газардах болон урагш явахад зориулсан хоёр сэнсээр тоноглогдсон ба хурдан хөдөлдөг тул барааг хүргэж өгөхөд 30 минутын хугацааг л зарцуулах юм. Түүнээс гадна төхөөрөмж нь илгээмж хүлээн авагчийн гэрийн гадна талбайн хаана буухаа өөрөө тодорхойлдог байна. Одоогоор 120 метрийн өндөрт нислэг хийхийн тулд АНУ-ын Холбооны нисэхийн удирдлагаас зөвшөөрөл хэрэгтэй байдаг бөгөөд тээвэрлэх зүйлийн жин нь 2,2 килограмаас илүүгүй байх ажээ.