Хайх

\"The Last of Us\"-аас сэдэвлэсэн хөлөгт тоглоом худалдаанд гарна

"The Last of Us"-аас сэдэвлэсэн хөлөгт тоглоом худалдаанд гарна

Naughty Dog студи болон CMON хэвлэлийн газрын хамтарсан бүтээл

Text: Buro.Mongolia


Зураг:

Naughty Dog студи "The Last of Us" адал явдалт аймшгийн видео тоглоомоос сэдэвлэсэн хөлөгт тоглоом бүтээх гэж байгаа талаар Twitter хуудсаараа дамжуулан зарласан байна. Одоогоор тоглоом яг хэзээ худалдаанд гарах нь тодорхойгүй байгаа юм.

"Бид 'Bloodborne' компьютерын тоглоомоос сэдэвлэсэн хөлөгт тоглоом болон 'God of War' хөзрийн тоглоомыг бүтээсэн CMON студийн авьяаслаг хамт олонтой 'The Last of Us'-ын хөлөгт тоглоом бүтээхээр хамтран ажиллах болсноо зарлахад таатай байна. Мөн бид 'The Last of Us' видео тоглоомын ертөнц болон баатруудыг хөлөгт тоглоомын форматад хувиргаж байгаадаа маш их баяртай байгаа. Хөлөгт тоглоомыг аль хэдийнэ хөгжүүлээд эхэлсэн бөгөөд цаг нь ирэхээр илүү дэлгэрэнгүй мэдээллүүдийг та бүхэнтэй хуваалцахыг тэсэн ядан хүлээж байна" гэж Naughty Dog студийн албан ёсны вебсайтад бичжээ.

Энэ нь "The Last of Us" видео тоглоомоос сэдэвлэсэн цорын ганц төсөл биш юм. Тодруулбал өнгөрсөн зургаадугаар сард "Чернобыль" цувралын уран бүтээлчид "The Last of Us" видео тоглоомын цуврал киног бүтээнэ хэмээн мэдэгдэж байсан билээ.

"The Last of Us" видео тоглоом нь анх 2013 онд худалдаанд гарч байсан бол Naughthy Dog студи энэ зун тоглоомын хоёрдугаар хэсгийг танилцуулсан юм. Тоглоомын үйл явдалд кордицепс нэртэй мутацид орсон мөөгөнцөр халдвар тарааж, зомбитой төстэй шинэ төрлийн мангасуудыг үүсгэдэг. Тоглогчид энэхүү цар тахлаас 20 жилийн дараах постапокалиптик Америкт амьд үлдэх хэрэгтэй болно.

Сэтгэгдэл бичих

цааш үзэх