Эмми 2025: Улаан хивсний ёслол дээрх шилдэг төрхүүд

Телевизийн салбарын хамгийн чухал арга хэмжээнүүдийн нэг болох 77 дахь удаагийн Эмми шагнал гардуулах ёслол Лос-Анжелес хотын Peacock театрт эхэллээ. Наадмыг хошин шогийн жүжигчин Нэйт Баргатзэ хөтлөн явуулна. Энэхүү наадамд Severance цуврал нийт 27 төрөлд нэр дэвшин хамгийн олон номинацид тэргүүлж байгаа бол The Penguin цуврал 24 төрөлд нэр дэвшжээ. 

Харин наадмын улаан хивсний ёслолд кино урлагийн А зэрэглэлийн алдартнууд ихэвчлэн глэм хэв маягаар хувцасладаг уламжлалтай. Энэ жил ч мөн тэд харц булаам, ихэмсэг төрхүүдийг бүрдүүлж чаджээ. Тухайлбал BLACKPINK хамтлагийн Лиса Lever Couture ордны өвөрмөц ягаан даашинзаар гоёж, жүжигчин Педро Паскал Celine-ийн цагаан өнгөөр дагнасан сонгодог хослолоор дэгжин төрх бүрдүүлэв. Харин дуучин, жүжигчин Селена Гомез Louis Vuitton ордны час улаан өнгийн даашинз өмссөн нь бидний харааг булааж чадлаа. 

Ингээд 77 дахь удаагийн Эмми шагнал гардуулах ёслолын улаан хивсний шилдэг дүр төрхүүдтэй танилцана уу.