The Marvels кино 11-р сарын 10-нд нээлтээ хийнэ
Удтал хүлээлгэсэн Marvel-ын ертөнцийн цоо шинэ франчайз "The Marvels" кино 2023 оны арваннэгдүгээр сарын 10-ны өдөр нээлтээ хийхээр болсон бөгөөд хоёрхон хоногийн өмнө анхны албан ёсны трейлэрээ цацлаа. Энэхүү кино нь зөвхөн эмэгтэй гол дүрийн баатруудын тухай өгүүлэх бөгөөд Ахмад Марвел буюу Карол Данверс, Ахмад сансрын нисгэгч буюу Моника Рамбо болон Каролын шүтэн бишрэгч Камала Хан нар хэрхэн сансар огторгуйн адал явдалд нэг баг болон хамтарч, дэлхийг аварч буй тухай өгүүлэх аж. Мөн Өмнөд Солонгос улсын алдарт жүжигчин Пак Со Жун Холливүүдын карьераа энэхүү киногоор эхэлж байгаа бөгөөд түүнийг Ахмад Марвел буюу Каролын нөхрийн дүрд тоглосон гэх албан бус мэдээлэл ил болоод байна.
Дөрөвдүгээр сарын 11-ний өдөр цацагдсан ‘The Marvels’ киноны анхны тизер трейлэрийг хүлээн авч үзнэ үү.
