Венецийн кино наадам 2025: Улаан хивсний ёслол дээрх шилдэг төрхүүд
Наймдугаар сарын 27-ноос есдүгээр сарын 6-ны өдрүүдэд
82 дахь удаагийн Венецийн олон улсын кино наадам Италийн Лидо арал дээр наймдугаар сарын 27-ны өдөр албан ёсоор нээлтээ хийлээ. Дэлхийн хамгийн нэр хүндтэй кино наадмуудын нэгд тооцогддог Венецийн наадам дээр Холливүүдын оддын гялалзсан төрхүүд цуглаж, шинэхэн кино бүтээлүүдийнхээ нээлтийг угтан улаан хивсний ёслол дээр хүрэлцэн ирээд байна.
Энэ удаагийн кино наадмын үеэр найруулагч Гильермо дель Торогийн Frankenstein, Кэтрин Бигелоугийн A House of Dynamite, Йоргос Лантимосын найм дахь бүтээл болох Bugonia, Жим Жармушийн Father Mother Sister Brother, Ноа Баумбахын Jay Kelly зэрэг бүтээлүүд нээлтээ хийх юм.
Наадмын эхний өдрийн улаан хивсний ёслол дээр Жорж ба Амаль Клуни нар Комо нуурын эрэг дээрх виллагаас хүрэлцэн ирлээ. Амаль тод шаргал өнгийн даашинз, Prada-гийн цагаан өнгийн өндөр өсгийт өмсөж эрхэмсэг төрхийг бүрдүүлсэн байв. Түүнчлэн жүжигчин Кейт Бланшетт гүн задгай энгэр бүхий хар даашинзтай хүрэлцэн ирсэн харагдсан бол Барбара Палвин корсетон хар даашинзаар сонгодог төрхийг бүрдүүлжээ. Харин Хайди Клум өөрийн охин Лени Клумын хамт хоёр өөр өнгөтэй хэр нь ижил загвартай гоёлын даашинзаар улаан хивсний ёслолыг чимлээ.
Ингээд Венецийн кино наадмын улаан хивсний шилдэг төрхүүдтэй танилцацгаая.
