Бьорк виртуал орон зайг үзүүлэх апп гаргажээ
3D ертөнц
Бьорк 2011 онд Biophilia нэртэй апп цомог гаргаж байсан билээ. Харин одоо тэрээр Stonemilker апп гаргаж виртуал ертөнцөөр аялуулж байна
Бьорк шинэ клипээ үргэлж чанартай хийхийг хүсч, шилдэг найруулагчид болох Инез ван Ламсвеерде, Винуд Матадин нартай хамтарч эсвэл панорам хувилбараар бүтээдэг билээ. Исландын дуучин шинэ "Stonemilker" дууныхаа клипэнд зориулан зөвхөн Apple Store-с татаж авах боломжтой апп гаргалаа. Уг аппыг татаж авснаар клипийг 3D хэлбэрээр, виртуал орон зайд Бьорк дуулж буйг үзэх болно. "Stonemilker" клипийг 360 градусын дүрслэлээр бичиж, бүтээсэн байна. Виртуал ертөнцөөр хамтдаа аялцгаая.