Хугацаа нь тулсан үед сонгох Хэллоуины хялбар төрхүүд

Text: Б.Энххүслэн

Хэллоуины баярыг өнөөдрөөс эхлэн тэмдэглэж эхэлж байна. Харин та өмсөх хувцсаа сонгож амжаагүй л байна уу? Тэгвэл бид танд гар доорх материал эсвэл хувцасны шүүгээгээ ашиглан бүрдүүлж болох төрхүүдийг санал болгож байна. Жишээ нь, цэцгэн хээтэй урт даашинз, хар нарны шилний тусламжтай загварын салбарын хамгийн нөлөө бүхий эрхэм болох Анна Винтур болж эсвэл торгон халат, үслэг тапочка зэрэг гэрийн хувцсаа өмсөөд хөл хорионд өнгөрүүлсэн өдрүүдээ дурсан санаж болно. Эдгээр өмсгөл нь таныг загварлаг харагдуулах хэрнээ илүү зардалгүй гэдгээрээ давуу талтай билээ.