Хятадын залуучууд хөгжмийн наадамд юу өмсдөг вэ?

2009 оноос эхлэн зохион байгуулагдаж буй Хятадын Strawberry хөгжмийн фестиваль өнгөрсөн долоо хоногт болж өнгөрлөө. Хятадын томоохон хамтлаг, дуучдыг нэгтгэдэг тус наадамд сүүлийн 14 жилийн хугацаанд нийт 6.5 сая хүн оролцсон байна. Энэ жилийн хувьд тус улсын хамгийн алдартай ардын хамтлагуудын нэг Wu Tiao Ren, сувилахуйн сургуулийн оюутнаас поп од болж чадсан Мао Буи, Тайван болон Өмнөд Хятадад ашигладаг Хакка аялгаар дуугаа туурвигч рок хамтлаг Jiu Lian Zhen болон бусад уран бүтээлчид оролцсон юм.

Хамтлаг, дуучдаас гадна хүрэлцэн ирсэн залуучуудын хувцаслалт, тэнд бүрдсэн загварлаг уур амьсгал анхаарал татсан бөгөөд street style дуранд буусан нүд эрээлжлэм их логотой максималист, ковбой, рок, Хятад үндэсний зэрэг төрөл бүрийн хэв маягтай төрхүүдийг сонирхоцгооё.