Street style: Парисын загварын долоо хоногийн сүүлийн өдрүүд

Загварын дөрвөн том долоо хоногийн хамгийн сүүлийн буюу Парисын загварын долоо хоног дуусах тун дөхжээ. Арга хэмжээний сүүлийн өдрүүдэд Balenciaga, Hermès, Givenchy зэрэг томоохон загварын орднууд хавар-зун 2022 цуглуулгаа танилцуулаад байна. Тэгвэл эдгээр шоунуудад хүрэлцэн ирсэн зочид өндөр гоо зүйн мэдрэмжээ гайхуулж шилдэг төрхүүдийг бүрдүүлсэн байлаа. Тодруулбал, классик тренч цув, сул эсгүүртэй савхин хослол, төрөл бүрийн хайчилбартай даашинз, өнгөлөг ноосон эдлэлүүд зэрэг яг одоо хайп болоод буй загваруудаар гоёсон хүмүүсээр Парисын гудамж дүүрчээ. Түүнчлэн зочид beige өнгийн монохром төрх болон athflow, романтик, минималист хэв маягуудыг түлхүү сонгосон байлаа.