Дотроос нь харцгаая: Land Rover болон Jaguar брэндийн Яармаг дахь цоо шинэ шоурүм

"Старчейз Автомотив Лимитд" ХХК-н төлөөлдөг Jaguar болон Land Rover брэндүүдийн цоо шинэ үзүүлэнгийн танхим саяхан Яармагт нээгдлээ. Үүнийг тохиолдуулан BURO. болон Jaguar Land Rover нар хамтран уншигч, хэрэглэгч нартаа зориулж хүн бүрт нээлттэй энэхүү үзүүлэнгийн танхимын виртуал тур видеог хүргэж байна.

Нийт 900 м2 талбайг хамрах, асфальтан саарал өнгийн шилэн фасад бүхий контемпорари дизайнтай энэхүү байгууламж нь дотроо 12 автомашин байршуулах багтаамжтай үзэсгэлэнгийн танхим, хүлээлгийн танхим, автомашинаа өөрөө загварчлах хэсэг зэргээс гадна автомашинаа механик болон кузов засварт оруулах боломжтой, нэгэн зэрэг 5 автомашинд service үзүүлэх багтаамжтай засварын хэсэг, мөн нэрийн бүтээгдэхүүнүүд дэлгэгдсэн худалдааны хэсэг гээд тус брэндүүдийн автомашиныг эзэмшдэг эсвэл эзэмшихийг зорьж буй хэн бүхний бүхий л хэрэгцээг хангасан тав тухтай, цэлгэр орон зайг бий болгожээ.

Их Британийн тансаг зэрэглэлийн автомашин үйлдвэрлэгч Jaguar болон Land Rover брэндүүд нь Монголын зах зээлд албан ёсоор нэвтрээд нэлээдгүй олон жилийг ардаа үлдээсэн бөгөөд энэ хугацаанд өөрсдийн байр суурийг нэгэнтээ бэхжүүлж, дэлхийн шилдэг хоёр брэндийн гайхамшгийг мэдрүүлсээр байгаа билээ.

Яармагийн зам дагуу байрлах, шинээр үүд хаалгаа нээгээд буй энэхүү үзүүлэнгийн танхимд хамгийн сүүлийн оны цоо шинэ автомашинууд дэлгэгдэхээс гадна approved pre-owned буюу баталгаажсан, ашиглагдсан автомашинуудыг санал болгож байна.

"Старчейз Автомотив Лимитд" ХХК нь Jaguar, Land Rover болон Porsche брэндүүдийн албан ёсны диллерийн эрхтэй компани юм.

Jaguar Land Rover албан ёсны диллер

Хаяг: Хан-Уул дүүрэг, 4-р хороо, Наадамчдын зам 65/1, Улаанбаатар хот

Утас: 99118301, 99118375, 75753911

Facebook хуудсууд: Jaguar & Land Rover