LINDT & SPRÜNGLI брэндийн монгол дахь албан ёсны нээлт Porsche Centre-д болж өндөрлөлөө

Аманд ороод л хайлах амт гэдгийг уншаад магад танд янз бүрийн нарийн нандин амт төсөөлөгдөж буй. Тэгвэл энэ амтыг шоколад үйлдвэрлэлийн салбарт какаог ийм амттай болгож чадсан брэнд бол Lindt & Sprüngli.

Олон улсын нэр хүнд бүхий брэндүүдийг Монголд тогтмол нэвтрүүлдэг Нано Интернэйшнл ХХК энэ удаад Lindt & Sprüngli компанитай албан ёсны дистрибьютерийн түншлэлээ зарлаж, дөрөвдүгээр сарын 3-нд нээлтийн арга хэмжээг амжилттай зохион байгууллаа. Тус өдөр харилцагч байгууллагууд болон түншүүдээ урин, шоколадны төгс амтыг Porsche брэндийн орчинтой хослуулан толилуулсан юм.

Премиум зэрэглэлийн шоколаднууд дунд амтаараа тэргүүлдэг уг брэнд нь жирийн амттан үйлдвэрлэнэ гэхээс илүүтэй бүтээгдэхүүн бүртээ бардам зогсох чанар болон тансаг амтыг санал болгодог. Арга хэмжээнд Lindt & Sprüngli брэндийн бүх төрлийн амттануудыг санал болгохоор бэлдсэн бөгөөд хоолны дараах амттан, дарс болон бусад уух зүйлстэй шоколад хэрхэн зохицож болдгийг танилцуулж Nomad Lab-ийн коктейлийн үйлчилгээ бэлдсэн байсныг дурдахгүй байх аргагүй.

Тансаг амтыг зөвхөн амтлуулахаас илүү мэдрүүлэхийг зорьж, Porsche Cayenne, Macan, Panamera загваруудын туршилтын жолоодлогыг зохион байгуулсан нь хөтөлбөрийн онцлох хэсэг байв. Ингэснээр брэндийн тансаг амтыг автомашины дээд зэрэглэлийн мэдрэмжтэй хослуулж, орчныг илүү тухтай, догдлом болгохыг зорьсныг Нано Интернэйшнл ХХК-ийн баг онцоллоо.

Үдшийн гол “чимэг” Lindt & Sprüngli шоколадны нууц буюу “яагаад ийм гоё амттай гэж” гэдэг энгийн асуултын хариулт хамгийн чанартай орц найрлагыг сонгохоос эхлэх буюу тухайн түүхий эд хэрхэн ургаж, хураагдаж байгааг хянан шалгах стандартаар эхэлнэ. Зөвхөн үйлдвэрлэлийн шат дамжлага дээр анхаарахаас гадна орцоо хураах сүлжээний бүхий л үе буюу какаогоо Гана, Кот-д'Ивуар, Эквадор, Мадагаскар, Папуа Шинэ Гвиней, Доминикан болон Перу зэрэг дэлхийн өнцөг булан бүрээс хураан авдаг байна.

1845 онд Цюрих хотын чихрийн дэлгүүрт Давид Спрюнгли хүүтэйгээ хамт анхны хатуу шоколадыг хэвлэж гаргаснаар брэндийн түүх эхэлнэ. Тухайн үеийн шоколад нь өнөөдрийнх шиг зөөлөн биш хатуу, барзгар зажлууртай байв. Гэвч 1879 онд түүний хүү Рудольф Линдт шоколадыг аманд ормогц хайлдаг торгомсог бүтэцтэй болгохыг мөрөөдөж байв. Нэгэн баасан гарагт тэрээр зуурах төхөөрөмжөө санамсаргүйгээр унтраалгүй орхиж явснаар, даваа гарагт нь дэлхий дахины шоколадны стандартыг өөрчилсөн "хайлдаг шоколад"-ны нууцыг нээсэн түүхтэй.

Өнөөдрийг хүртэл Lindt & Sprüngli-ийн мастер шоколад урлаачид "Шошноос шоколад хүртэл" (Bean to Bar) гэх зарчмыг чанд баримталдаг. Үйлдвэрлэлийн явцад какао шошнуудыг төгс амтных нь нууц болсон жоруудаар хольж, зөвхөн цэвэр "нибс" буюу доторх хэсгийг нь хуурч нунтагладаг нь уг шоколадны өвөрмөц анхилуун үнэрийг гаргадаг байна. Үүний дараа алдарт "коншлах" технологиор олон цагийн турш зуурснаар шоколадны бүтэц нь ямар ч өөгүй торгомсог болдог билээ.

Lindt & Sprüngli брэндийг оруулж ирж буй Нано Интернэйшнл ХХК нь Монголын өргөн хэрэглээний бүтээгдэхүүний зах зээлд салбартаа тэргүүлэгчдийн эгнээнд байж 19 дэх жилдээ амжилттай үйл ажиллагаа явуулж байгаа билээ. Тэд энэхүү хамтын ажиллагаагаар дамжуулан Монголын хэрэглэгчдэд жинхэнэ премиум Швейцар шоколадны амтыг олон улсын өндөр стандартын дагуу шууд нийлүүлж эхэлж байгааг онцлох нь зүйтэй. Энэ нь албан ёсны байгууллагаас тээврийн чанарыг өндрөөр хянаж, хэрэглэгчийн гарт өнгө, хэлбэр, амт гээд бүхий л хэлбэрээр ямар ч өөгүй төгс хүрэх баталгааг хангаж байгаа гэсэн үг юм. Өргөн утгаараа монгол хэрэглэгчид дэлхийн түвшний бүтээгдэхүүнээс сонголтоо хийх боломжийг өргөсгөж буй нь чухал болохыг дурдаж байлаа.

Албан ёсны дистрибьютер “Нано Интернэйшнл” ХХК

Facebook: Nano International LLC

Instagram: @nanointernationalllc

Website: nanointernational.mn

Утас: +976 7711 5852