Технологийн дэвшлийг өөрийн биеэр мэдэр: Samsung Experience Store нээлтээ хийлээ
Өнгөрөгч долоо хоногийн Пүрэв гарагт олон нийтийн анхаарлыг татсан нэгэн арга хэмжээ болсон нь SAMSUNG EXPERIENCE STORE дэлгүүрийн нээлт байлаа. Шангри-Ла Моллын гуравдугаар давхарт нээгдэж буй тус дэлгүүр нь Samsung брэндийн хамгийн сүүлийн үеийн цахилгаан бараа, гар утас, таблет, компьютер, дагалдах хэрэгслүүдтэй биечлэн танилцаж, тэдгээр нь таны өдөр тутмын амьдралыг хэрхэн хөнгөвчилж, илүү бүтээлч болгохыг өөрийн биеэр туршиж үзэх боломжийг олгох зорилготой юм.
Урилгаасаа эхлээд л хүлээлт үүсгэсэн нээлтийн үдэшлэг нь элдэв хөтөлбөрт баригдалгүйгээр хүрэлцэн ирсэн зочдод өөрсдийн тааваар хүссэнээ хийх боломжийг олгосноор онцлог байлаа. Дэлгүүрийг тэр чигт нь бүрхэх неон гэрэл, DJ Nomt-ын хөгжмийн цоглог хэмнэл хоорондоо төгс уусаж байсан тул зочид тэс өөр ертөнцөд очсон мэт мэдрэмжийг авч, цаг хугацааг умартан мартагдашгүй мөчийг өнгөрүүллээ. Зочдод зориулан Улаанбаатар хотын шилдэг коктейль бар болох Bitsy & Co-ийн бартендерууд Samsung брэндийн илэрхийлэл болсон сансар огторгуйг санагдуулам цэнхэр, хөх ягаан өнгийн коктейлуудыг бэлтгэсэн бол гал тогооны хэсэгт чадварлаг тогоочдын хийсэн цезарь салат, үхэр болон тахиан махан канапе зууш, мөн red velvet болон крем бруле амттанаар зочдод үйлчилсэн юм.
Experience Store-ийн учир утгыг бүрэн дүүрэн мэдрүүлэх зорилгоор дэлгүүрийн өнцөг булан бүрийг төрөл төрлөөр тохижуулсан байв. BURO. Fashion Corner-д INJ студийн үүсгэн байгуулагч, стилист Ч.Ган-Инж зочдын арьсны өнгийг тодорхойлж, тэдэнд төгс тохирох өнгөний хослол болон хувцаслалтын зөвлөгөө өглөө. Түүнчлэн ноолууран загвар санал болгодог NOÉMI брэндийн үүсгэн байгуулагч, дизайнер Э.Номинчулуун шинэ улиралд зориулсан загваруудаа танилцуулахын сацуу ноолууран эдлэлд арчилгаа хэчнээн чухал болохыг онцолж, үнэ цэнтэй хувцасыг тань таны өмнөөс арчлах Samsung AirDresser-ийн давуу талыг зочдод хуваалцсан юм. Энэ бүхний хажуугаар залуучууд тусгайлан зассан видео тоглоомын хэсэгт FIFA 2022, NBA 2K22 зэрэг видео тоглоом тоглон Samsung брэндийн зурагтын дуу дүрсний чанарыг биеэр мэдэрсэн бол тоглоомын хорхойтнуудад зориулсан хэсэгт Odyssey Neo G9 дэлгэцийн хүчин чадлыг танилцуулах зорилгоор стример Shirako дэлгэцийн давуу талыг видео тоглоомоор дамжуулан толилуулав.
Арга хэмжээний үеэр "Сайн Интернэйшнл" ХХК-ийн Гүйцэтгэх захирал Б.Амгалантуяа ирсэн зочидтой халуун дулаан яриа өрнүүлэн, цаашдын зорилго, алсын хараагаа хуваалцсан билээ. "Бид цар тахлын улмаас нэгнийдээ зочлох нь харьцангуй багасжээ. Гэсэн хэдий ч техник технологийн дэвшил бидэнд хайртай дотнын хүмүүстэйгээ ойр байгаа мэт мэдрэмжийг төрүүлж халуун дулаан харилцаагаа авч үлдэхэд тусалсаар байна" хэмээн технологийн хөгжил бидний амьдралд ямар ач тустайг тэрээр онцолсон юм. Түүнчлэн шинэ дэлгүүрийн нээлтийн хүрээнд Sain Electronics залуу уран бүтээлчдэд дэмжлэг үзүүлэхийн зэрэгцээ нийгэмд тулгамдаж буй олон асуудлыг шийдвэрлэх арга замыг эрэлхийлэх зорилгоор "САЙН" гэрэл зургийн уралдааныг зарласан билээ. Арга хэмжээний үеэр уралдаанд ирсэн гэрэл зургуудыг дэлгэн олонд хүргэсэн бөгөөд хөндсөн сэдвийн хүрээнд хэлэлцүүлэг өрнүүлэх боломжийг зочдод олголоо.
Ингээд нээлтийн арга хэмжээний зургуудаас хүргэж байна.
Samsung Experience Store
Хаяг: Шангри-ла Молл, 3 давхарт
Утас: 80084062
Instagram: @sain_electronics
Facebook: Sain Electronics
