Foodie: Хоолны зураг авахад зориулсан шинэ апп

Line мессенжерийг хөгжүүлэгчдийн гаргасан Foodie нэртэй шинэ апп өдөр ирэх тусам улам олон хэрэглэгчтэй болсоор байна. Шинэхэн аппын нэрнээс харахад л зөвхөн хоолны зураг авахад зориулагдсан гэдэг нь илт. Foodie апп хоолыг зурган дээр маш амттай харагдуулах эффект санал болгодог байна. Тэд мөн зургийн өнгө засах тохиргоог Yum, Fresh, Chewy, Crispy гэх зэргээр "амтат" үгсээр нэрлэжээ. Хэрэглэгчид энэхүү аппыг ашиглан гоё болгосон зургаа утсан дээрээ хадгалахаас гадна мөн өөрсдийн нийгмийн сүлжээндээ байршуулан, бусадтай хуваалцаж болох юм.