Каннын кино наадам нэр дэвшигчдээ зарлалаа

75 дахь удаагийн Каннын кино наадам ирэх тавдугаар сарын 17-ноос 28-ны өдрийн хооронд зохиогдохоор товлогдоод байгаа билээ. Тус наадамд Алтан дал мод шагналын төлөө өрсөлдөх болон нээлтээ хийх кинонуудын жагсаалтыг танилцуулж байна.

Алтан дал мод шагналд өрсөлдөх бүтээлүүд

“Armageddon Time” – Жеймс Грэй (АНУ)

“Boy From Heaven” – Тарик Сале (Швед)

“Broker” – Корэ-Эда Хироказу (Япон)

“Brother and Sister” – Арно Деплошан (Франц)

“Close” – Лука Донт (Бельги)

“Crimes of the Future” – Дэвид Кроненберг (Канад)

“Decision to Leave” – Пак Чан Вү (Өмнөд Солонгос)

“Eo” – Иержи Сколимовски (Польш)

“Forever Young” – Валериа Бруни Тедески (Франц)

“Holy Spider” – Али Аббаси (Иран)

“Leila's brothers” – Саиед Рустаие (Иран)

“Nostalgia” – Марио Мартонэ (Итали)

“RMN” – Кристиан Мунжиу (Румын)

“Showing Up” – Келли Райхардт (АНУ)

“Stars at Noon” – Клайр Дөни (Франц)

“Tchaikovsky’s Wife” – Кирилл Серебренников (ОХУ)

“Tori and Lokita” – Жан Пьер Дарден болон Лук Дарден (Бельги)

“Triangle of Sadness” – Рубен Өстлүнд (Швед)

Эдгээрээс “Triangle of Sadness”, “Broker”, “RMN”, “Tori and Lokita” бүтээлүүд өмнө нь Алтан дал мод шагналыг хүртсэн найруулагчдын шинэ бүтээлүүд юм. Сүүлийн жилүүдэд Каннын кино наадам эмэгтэй найруулагчдын бүтээлийг огт үнэлэхгүй байгаа тухай шүүмжлэлд өртөөд байгаа билээ. Энэ удаагийн наадамд л гэхэд ердөө гуравхан эмэгтэй найруулагчийн хийсэн кино байгаа юм. Гэтэл өнгөрсөн жилүүдийн бусад том фестивалиудад эмэгтэй найруулагчид бүх дээд шагналуудыг түүчхээд байгаа учраас энэ удаагийн Алтан дал мод шагналыг эмэгтэй хүний гар өргөх магадлал өндөр байна.

Un Certain Regard шагналд өрсөлдөх бүтээлүүд

Дэлхийн олон өөр соёл бүхий улс үндэстнүүдийн шилдэг кинонуудыг олон улсад таниулах зорилгоор 30,000 еврогийн хамт олгогддог Un Certain Regard шагналд энэ удаа 15 бүтээл өрсөлдөж байна.

“All The People I’ll Never Be” – Дэйви Чоу (Камбож)

“Beast” – Райли Киөү болон Жина Гаммел (АНУ)

“Burning Days” – Эмин Алпер (Турк)

“Butterfly Vision” – Максим Наконечни (Украин)

“Corsage” – Мари Кройцер (Австри)

“Domingo and the Mist” – Ариел Эскаланте Мэза (Коста Рика)

“Godland” – Хинур Палмасон (Исланд)

“Joyland” – Саим Садик (Пакистан)

“Metronom” – Александру Бэлк (Румын)

“Plan 75” – Хаяакава Чи (Япон)

“Rodeo” – Лола Киворон (Франц)

“Sick of Myself” – Кристоффер Боргли (Норвеги)

“The Silent Twins” – Агнешка Сможинска (Польш)

“The Stranger” – Томас Врайт (Австрали)

“The Worst” – Лиза Акора болон Роман Гере (Франц)

Нээлтээ хийх кинонууд

Жүжигчин Том Крузын гол дүрд нь тоглосон, 1986 онд нээлтээ хийж байсан “Top Gun” киноны үргэлжлэл болох “Top Gun: Maverick” нээлтээ хийж, мөн энэ үеэр Том Крузд зориулсан хүндэтгэлийн арга хэмжээ болох юм байна.

Каннын кино наадмаар нээлтээ хийх хөгжмийн сэдэвтэй хоёр кино мөн анхаарал татаж байна. 2015 онд Nirvana хамтлагийн дуучин Курт Кобейны амьдралаар хийсэн “Kurt Cobain: Montage of Heck” киноны найруулагч Брет Морген алдарт дуучин Дэвид Боуигийн амьдралаар бас нэгэн кино хийснийг тус наадмын дэлгэцээр анх цацах юм.

Рок н Ролл хөгжмийн эцэг гэгддэг домогт Элвис Прэслийн амьдралаар хийсэн “Elvis” нэртэй кино мөн нээлтэй хийх аж. Элвис Прэслийн дүрийг жүжигчин Остин Батлер бүтээж, бусад дүрүүдэд Том Хэнкс, Элэн Томсон, Коди Смит Макфи зэрэг туршлагатай жүжигчид тоглосон юм байна. Мөн Элвисийн ач охин болох жүжигчин Райли Киөү “Beast” нэртэй өөрийн найруулсан анхны киногоо үзэгчдэд танилцуулна.

“Elvis” – Баз Лурманн (АНУ)

“Final Cut” – Мишель Азонвишиус (Франц)

“Mascarade” – Николас Бидос (Франц)

“November” – Седрик Именез (Франц)

“Three Thousand Years of Longing” – Жорж Миллер (Австрали)

“Top Gun: Maverick” – Жосеф Косински (АНУ)

“Fumer fait tousser” – Контан Дипю (Франц)

“Hunt” – Ли Жон Жэй (Өмнөд Солонгос)

“Moonage Daydream” – Брет Морген (АНУ)

“All That Breathes” – Шаунак Сэн (Энэтхэг)

“The Natural History of Destruction” – Сергей Лозница (Украин)

“Jerry Lee Lewis: Trouble in Mind” – Итан Көүэн (АНУ)