Met Gala 2022: Шилдэг гоо сайхны төрхүүд
Жил бүр уламжлал болон зохион байгуулагддаг Met Gala үдэшлэг “Америкт: Загварын Антологи” сэдвийн дор Нью-Йорк хотноо амжилттай зохион байгуулагдаж байна. Met Gala үдэшлэгт уригдан ирдэг алдартнууд жилээс жилд гоёмсог хувцаслалт төдийгүй гоо сайхны төрхөөрөө биднийг улам их алмайруулсаар байгаа ба энэ удаад ч бүрдүүлсэн төрхүүдээрээ хүлээлтийг давж чадлаа.
Загвар өмсөгч Кара Делевинь улаан хослолоор төрхөө бүрдүүлж, цээж хэсгээ алтаар бүрсэн ба нүүр будалтдаа ч мөн алтлаг өнгийн элементүүд оруулжээ. Харин дуучин Оливия Родригогийн нүүр будалтад нил ягаан өнгө давамгайлж, түүний эрвээхийн хэлбэртэй үсний аксесуар онцгойрсон бол Индиан, Гвичин гаралтай загвар өмсөгч Куанна Чейсингхорсийн пастель цэнхэр нүдний тень болон өдөн үсний аксесуар нь үдэшлэгт өвөрмөц уур амьсгал оруулж чадлаа. Түүнчлэн Белла Хадидын 70-аад оны хэв маягтай гоёмсог үсний засалт болон жүжигчин Софи Тернерийн лусын дагиныг санагдуулах улаан хүрэн, долгионтой үс олны анхаарлыг татсан юм. Ингээд 2022 оны Met Gala үдэшлэг дээрх шилдэг гоо сайхны төрхүүдтэй танилцана уу.
