«Грэмми-2017»: Сэтгэлд хоногшсон төрхүүд

Леди Гага

Блоранж аргачлал буюу улбар шар ба цайвар шар өнгийн ууссан туяа 2017 оны үс будалтын хамгийн гол чиг хандлагуудын нэгээр тодорно гэх бидний таамаглал үнэн болохыг Леди Гага өчигдөр баталлаа. Шагнал гардуулах ёслол дээр дуучин бүсгүй үсээ дээш нь боож, үснийхээ хамгийн тод өнгөтэй хэсгүүдийг хэлбэржүүлэгч цацлаганы тусламжтайгаар тодотгож өгсөн байлаа. Леди Гага түүнчлэн дээд зовхи ба нүднийхээ дотор буланг нарийн ширхэг бүхий гялалзсан саагаар будаж, улаан өнгийн тениэр "мууран" контур зурсан харагдана. Тэрээр харин уруулаа матт эффекттэй ягаан өнгөөр буджээ.

Рианна

Рианна 59 дэх удаагийн Грэмми наадам дээр карамель-улбар шар өнгийн долгионтой үстэй хүрэлцэн ирлээ. Нүдний гаднах булан хэсгээрээ бага зэрэг уусалттай будалт түүний ногоон өнгийн нүдтэй төгс зохицжээ. Харин түүний уруулыг нүүр хувиргагчид nude өнгөөр будаж, бүх анхаарлыг зөвхөн нүд рүү нь чиглүүлсэн байлаа.

Бейонсе

Шагнал гардуулах ёслолын гол дүрээр тодорсон дуучин Бейонсе өчигдөр тайзны зориулалттай, хэтэрхий бодит бус төрх бүрдүүлсэн ч үзэгчид сэтгэл дундуур үлдсэнгүй. Хөл хүнд хатан хаан хэлэхдээ, "Би үзэгчдийн өмнө Африкын бурхны дүрээр гарч ирж, эмэгтэй хүний байгалийн бүтэц, эхийн сэтгэлд хүндэтгэл үзүүллээ" гэсэн байна. Дуучин бүсгүйн толгой дээрх нарийн бүтэцтэй алтан чимэг, алтан хатгамалтай даашинз зэрэг нь smoky eyes будалттай хосолж, хамгийн сэтгэлд хоногшсон төрхүүдийн нэгээр тодорлоо.

Соланж Ноулз

Анх харахад түүний төрх нэлээд энгийн мэт санагдаж болно. Дээш шуусан үс, гөлгөр нүүрний арьс, nude өнгийн уруулын будаг зэрэг нь маш байгалийн төрх гаргаж байлаа. Гэхдээ сайтар анзаарвал Соланж өчигдөр хоёр өвөрмөц деталиар бусдаас онцгойрсон. Тэдгээр деталь нь түүний төгс хэлбэртэй хөмсөг ба давхрааны дээгүүр зурсан минимал аястай контур юм.

Лаверна Кокс

Америкийн жүжигчин ба "Эмми" шагналд нэр дэвшсэн анхны трансжендер бүсгүй болох Лаверна Кокс өчигдөр өөрийн график будалттай нүдээр олны анхаарлыг татлаа. Саарал өнгийн нүдний тень, театрын гэмээр тод контур ба гялалзсан наалтууд Коксыг дахин давтагдашгүй харагдуулж байлаа. Тэр нүдээ тодотгох үүднээс уруулаа nude өнгөөр будаж, үсээ гөлгөр самнан боожээ.

Кэти Перри

Дуучин бүсгүй цайвар шар өнгийн шинэхэн үсний өнгөөрөө олныг гайхууллаа. Бусдаараа бол Кэти Перригийн гоо сайхны төрх маш сонгодог шийдэлтэй болсон харагдлаа. Зөөлөн ягаан туяатай smoky eyes ба хүрэн улаан өнгийн уруулын будаг бол ямар ч нөхцөлд зохицох, хамгийн аюулгүй шийдэл юм.