Белла Хадидынх шиг улбар шар өнгийн туг үс 2021 оны гол тренд байх болно
Үсний өнгөө бүхэлд нь огцом өөрчлөх шаардлагагүй
Модель Белла Хадид өнгөрсөн оны турш 1990, 2000-аад оны хэв маягийг шингээсэн олон сонирхолтой дүр төрхийг бүрдүүлж, тухайн үеийн загвар болон гоо сайхны чиг хандлагыг эргүүлэн авчирсан гэж хэлж болно. Харин тэрээр хамгийн сүүлд буюу шинэ жилийн баяраар туг үсээ тод улбар шар өнгөөр будан, урдуураа унжуулж үсээ бүхэлд нь будахгүйгээр өнгийг нь хэрхэн өөрчилж болохыг бидэнд харууллаа. Сонирхуулахад энэхүү аргачлалыг өмнө нь Дуа Липа, Кайли Женнер нар цайвар шаргал өнгийн хувилбараар туршиж байсан юм.
Үүнээс хэдхэн хоногийн өмнө Белла Хадид улбар шар өнгийн хиймэл үс зүүж байсан нь түүнд стилиэ өөрчлөх урам зориг өгсөн байх магадлалтай. Супер модель бүсгүйн үсийг стилист Эвани Фраусто хариуцдаг бөгөөд тэрээр мөн Кендалл Женнер, рэппер Lil Nas X болон "Euphoria" цувралын од Алекса Деми нартай хамтарч ажилладаг билээ.
