Кристофер Уокен, Эмбер Херд нарын тоглосон One More Time киноны трейлер
Гэр бүлийн асуудал
Кристофер Уокен, Эмбер Херд нарын тоглосон аав, охин хоёрын харилцааны асуудлын тухай One More Time киноны трейлер гарчээ
Шинэхэн кинонд Эмбер Херд панк, рок охины дүрийг бүтээсэн бол Кристофер Уокен алдарт хөгжимчин байсан Пол Ломбардын дүрд тогложээ. Пол хэдий хөгширсөн ч буцаж тайзнаа гарахыг хүсэх бөгөөд түүний панк, рок охин мөн л хөгжимчин болохыг мөрөөднө. Гэвч аав, охин хоёрын харилцаанд багагүй үл ойлголцол гарах аж. Тэднийг амьдралд нэг л зүйл нэгтгэнэ. Тэр бол бүх зүйлийг эхнээс нь эхлэж амьдралаа өөрчлөх хүсэл юм. One More Time кино 2015 онд Tribeca Film Festival дээр анх үзэгчдийн хүртээл болсон бол ирэх дөрөвдүгээр сарын 8-нд олны хүртээл болох юм байна.