Телевизийн кино шүүмжлэгчдийн холбоо 2020 оны шилдэг цувралуудыг нэрлэлээ
HBO сувгийн бүтээлүүд тэргүүлжээ
Телевизийн кино шүүмжлэгчдийн холбооноос (TCA) зохион байгуулдаг TCA Awards шагнал гардуулах ёслол зохион байгуулагдаж шилдгүүдээ тодрууллаа. Энэхүү шагнал гардуулах ёслол нь тухайн жилийн телевизийн салбарт гарсан шилдэг бүтээлүүдийг онцолдог уламжлалтай.
Шүүмжлэгчид энэ жилийн шилдэг цувралаар HBO сувгийн бүтээсэн "Watchmen" цувралыг нэрлэсэн байна. Түүнчлэн тус бүтээл нь "Шилдэг теле кино эсвэл мини цуврал", "Утга уянгын цувралын шилдэг дүр", "Шилдэг шинэ цуврал", "Шилдэг хөтөлбөр" зэрэг хэд, хэдэн шагнал хүртсэн байна.
HBO телевизийн бас нэгэн бүтээл болох "Succession" цуврал "Шилдэг утга уянгын цуврал" шагналын эзэн болсон бол Pop TV сувгийн "Schitt's Creek" цуврал "Шилдэг инээдмийн цуврал"-аар шалгарчээ.
