Instagram олон нийтийн сүлжээн дэх өндөр эрэлттэй 10 брэнд
Lyst загварын хайлтын системийн мэдээллэж буйгаар
Копенгаген хотноо үүсгэн байгуулагдсан Stine Goya брэнд нь сонирхолтой хээ, өнгөлөг, сканди хэв маягтай загварууд санал болгодог. Stine Goya-ийн загварууд street style зургууд дээр олонтаа харагдах ба алдартай загвар өмсөгчид болон блoгеруудын дуртай брэндийн нэгд тооцогдох болжээ.
Парисын "It Girl", загварын салбарын нөлөө бүхий бүсгүйчүүдийн нэг Жанна Дамасын үүсгэн байгуулсан Rouje брэнд энэхүү жагсаалтын есдүгээрт жагсжээ. Rouje брэнд нь цагаан футболка, сонгодог загварын хүрэм, "wrap" загварын цамц болон даашинз, сийрсэн цүнх гэх мэт Парис бүсгүйчүүдийн өмсөх дуртай загваруудыг санал болгодог.
Кэндис Свейнпол, Ванесса Хадженс зэрэг алдартнуудын өмсөх дуртай Faithfull The Brand нь цэвэр даавуун материалаар хийгдсэн усны хувцас, даашинз, футболка зэргээрээ алдартай. Индонез улсад загваруудаа үйлдвэрлэдэг Faithfull The Brand загварлаг хувцас урлахаас гадна үйлдвэрлэлээрээ дамжуулан тухайн орны жижиг дунд үйлдвэрлэлийг хөгжүүлэх зорилготой ажээ.
Будапешт хотоос гаралтай Nanushka брэнд сүүлийн жилүүдэд асар хурдацтай хөгжин Farfetch, Net-A-Porter зэрэг тансаг зэрэглэлийн худалдааны сайтууд дээр тун өндөр борлуулалт хийж байна. Контемпорари хэв маягтай загвар үйлдвэрлэгч Nanushka брэнд Айми Сонг, Тиффани Сю зэрэг блогеруудын таашаалд нийцжээ.
Лос Анжелесаас гаралтай Staud брэнд хувин загварын цүнх, романтик уур амьсгалтай хувцаснуудаараа алдартай.
Lyst загварын тавцны мэдээллэж буйгаар сканди хэв маягтай загвар санал болгодог Ganni брэндийн эрэлт өнгөрсөн жилийнхээс 52 хувиар өсч, Instagram дахь өндөр эрэлттэй брэндүүдийн тавдугаарт оржээ.
"Wrap" даашинз, өндөр суудалтай жийнсэн өмд зэрэг франц шик хэв маягтай загвар үйлдвэрлэдэг брэндүүдийн нэг Réalisation Par дөрөвдүгээр байранд жагссан байна.
Итали гаралтай дизайнерууд Гилда Амбросио, Жиоржиа Тордини нарын үүсгэн байгуулсан Attico брэндийн загваруудад өдөн чимэглэл, атлас материал, зөөлөн өнгө, романтик хэв маяг гээд эмэгтэйлэг байдлыг илтгэх бүхий л элементүүд шингэсэн байдаг. Attico брэнд үүсгэн байгуулагдаад ердөө хоёр жил болж байгаа ч Vogue, Harper's Bazaar сэтгүүлүүдийн нүүр хуудсанд гарчээ.
Ямар ч галбирт төгс суух эсгүүр, байгалийн гаралтай материал, тав тух гээд амьдралд ойр загваруудыг үйлдвэрлэгч Reformation брэнд хоёрдугаарт жагслаа.
Instagram олон нийтийн сүлжээн дэх хамгийн эрэлттэй брэндээр эко-шик гэх тодотголтой Францын Veja брэнд тодорчээ. Байгальд ээлтэй технологи ашиглан бүтээгдсэн веган-кетнүүдийг Меган Маркл, Эмма Уотсон зэрэг алдартнууд сонгон өмсдөг байна.
