Porsche эзэмшигчийн түүх: Г.Ундармаа болон түүний Cayenne

Продюсер: Г.Энхүүлэн
Бичлэг: Kito x Coziestone
Зураг: Coziestone

Porsche X BURO. тусгай төслийн хүрээнд Cayenne загварын автомашины эзэмшигч жүжигчин, продюсер, найруулагч Г.Ундармаагийн түүхийг хүргэж байна.

Тансаг зэрэглэлийн автомашины зах зээлийг цоо шинэ түвшинд гаргаж амжилтын оргилд хүрсэн Porsche брэнд нь өнөөдөр салбартаа тэргүүлэгч, манлайлагч эрхмүүдийн тэргүүн сонголт болоод байна. Тэдгээрийн нэг болох Монголын кино болон хошин урлагийн салбарт үргэлж шинэ соргог мэдрэмж, өнгө аясыг бий болгож түүчээлсээр ирсэн жүжигчин, продюсер, найруулагч Г.Ундармаа нь цуцашгүй эрч хүч болон тууштай хөдөлмөрөөр өөрийгөө бүтээсэн хүчирхэг эмэгтэйн тод жишээ билээ. Түүний сонгосон Porsche Cayenne автомашин мөн л хурдан, хүчирхэг, дахин давтагдашгүй гэх үгсийн төгс илэрхийлэл ба өөртөө спорт дизайн болон хамгийн сүүлийн үеийн технологийн дэвшлүүдийг шингээсэн шилдэг загвар юм.

Porsche эзэмшигчийн түүх: Г.Ундармаа болон түүний Cayenne (фото 1)

“Миний машин бүх зүйлийг багтаадаг. Харахад их авсаархан ч чемодантай хувцас, гэрэл, камер зэрэг чөлөөтэй багтдаг шүү”.

Тэр тусмаа элс, хайрга, чулуу, шавар гээд ямар ч бартаат замын нөхцөлд яг л засмал зам дээр явж байгаа мэт санагдуулах Cayenne загвар нь тансаг хийц, ухаалаг шийдэл бүхий экстерьер, аюулгүй байдлаараа хэний ч өдөр тутмын хэрэгцээнд төгс нийцэх болно.