Coachella наадмын гурав дах өдрийн зочид
Тийм ээ, ДиКаприо байсан
Калифорнид болсон Coachella хөгжмийн фестивалийн эхний үе шат амжилттай зохион байгуулагдаж дууслаа. Харин наадмын зурагчдын дуранд Леонардо ДиКаприо өртсөн нь маш их анхаарал татаж байв
Энэ жил Coachella хөгжмийн наадам хоёр долоо хоногийн амралтын өдрүүдээр зохион байгуулагдаж байгаа. Тус наадмын дараагийн хэсэг ирэх бямба, ням гарагт буюу дөрөвдүгээр сарын 22-24-ний хооронд үргэлжилнэ. Тиймээс Coachella наадмын зочдод эрч хүчээ сэлбэх хангалттай цаг хугацаа гарч байгаа юм.
Өнгөрсөн ням гарагийн гол уран бүтээлчдээр Сия, Шон Пол болон Келвин Харрис нар шалгарсан билээ. Харин Келвин Харрис нэгэн супер одтой хамтран дуулж гэнэтийн бэлэг барина гэж зарлаж байсан. Хүмүүс түүнийг өөрийн найз бүсгүй болох Тейлор Свифтийн талаар ярьж байгаа хэмээн таамаглацгааж байсан ч тэд андуурсан юм. Келвин Харрис тайзан дээр дуучин Рианнатай гарч үзэгчдийг доргиожээ.
