Майкл Фассбендер болон бусад зочид British Independent Film Awards 2016 шагнал гардуулах ёслол дээр
BIFA 2016
Майкл Фассбендер, Наоми Харрис нар Лондон хотод BIFA шагнал гардуулах ёслолд оролцлоо
Лондон хотод 19 дэх удаагийн Их Британийн бие даасан киноны шагнал гардуулах ёслол буюу BIFA арванхоёрдугаар сарын 4-нд болж өнгөрлөө. Энэхүү нэр хүндтэй арга хэмжээнд Майкл Фассбендер, Наоми Харрис, Жейми Дорнан болон бусад алдартай зочид хүрэлцэн ирсэн бол ёслолыг 1990-ээд онд гарч байсан "Absolutely Fabulous" инээдмийн цувралын жүжигчин Женнифер Сондерс хөтөлсөн байна.
Энэ жилийн шагнал гардуулах ёслол дээр Андреа Арнольдын "American Honey" кино жинхэнэ ялалт байгуулж чадлаа. Шайа ЛаБаф ба Саша Лэйн нарын гол дүрд нь тоглосон энэхүү бүтээл нийт дөрвөн шагналын эзэн болсон бөгөөд тэр дундаа Их Британийн шилдэг бие даасан киногоор тодорчээ.
