2026 оны Оскарын шагнал гардуулах ёслолын шилдгүүд тодорлоо

Кино урлагийн хамгийн нэр хүндтэй шагнал гардуулах ёслол болох Academy Awards-ын энэ жилийн шилдгүүд тодорлоо. Америкийн Кино Академиас зохион байгуулдаг энэхүү шагнал гардуулах ёслол дэлхийн А зэрэглэлийн кино наадмуудын нэгт зүй ёсоор ордог бөгөөд энэ жил телевизийн нэрт комедиан Конан О’Брайн хоёр дахь удаагаа хөтлөн явууллаа.

Энэ жилийн голлох өрсөлдөөн Sinners, One Battle After Another, Frankenstein Hamnet кинонуудын дунд явагдсан. Энэ онд Райан Куглер найруулагчийн Sinners кино нийт 16 номинацид нэр дэвшсэн нь түүхэн рекордыг эвдсэн билээ. Мөн нэгэн сонирхолтой шалгаруулалт болсон нь “Шилдэг Богино Хэмжээний Кино” номинацид 2 кино зэрэг шалгарсан нь Сэм А.Дэвис найруулагчийн The Singers кино, Натали Мустяцэ, Александр Сингх найруулагчдын хамтын бүтээл Two People Exchanging Saliva бүтээлүүд байлаа. “Шилдэг кино” номинацид үзэгчдээс хамгийн их хүлээлттэй байсан Sinners кино энэ жил шувтарч, оронд нь Пол Томас Андерсон найруулагчийн One Battle After Another бүтээл шалгарчээ. Дэлхийн сонгодог урлагийн талаарх өөрийн сөрөг бодлоо илэрхийлсэн Тимоти Шаламегийн нэр хүнд нь огцом унасан тэрээр мөн л “Шилдэг Гол Дүрийн Эрэгтэй Жүжигчин” төрөлд шалгарч чадсангүй. Харин кино шүүмжлэгчдээс эерэг үнэлгээ нэлээдгүй авсан жүжигчин Жесси Бакли анх удаагаа “Шилдэг Эмэгтэй Гол Дүрийн Жүжигчин”-ээр шалгарлаа. Энэ мэт сонин хачинтайгаар энэ жилийн Academy Awards-ын шилдгүүдээр хэн тодорсныг харцгаая.

Шилдэг кино: One Battle After Another

Шилдэг найруулагч: Пол Томас Андерсон, One Battle After Another

Шилдэг гол дүрийн эрэгтэй жүжигчин: Майкл Б.Жордан, Sinners

Шилдэг гол дүрийн эмэгтэй жүжигчин: Жесси Бакли, Hamnet

Шилдэг туслах дүрийн эрэгтэй жүжигчин: Шон Пенн, One Battle After Another

Шилдэг туслах дүрийн эмэгтэй жижигчин: Эми Мэдиган, Weapons

Шилдэг анимейшн: Kpop Demon Hunters

Шилдэг эх зохиол: Sinners

Шилдэг сэдэвчилсэн зохиол: One Battle After Another

Шилдэг олон улсын кино: Sentimental Value

Шилдэг дууны найруулга: Людвиг Йёранссон, Sinners

Шилдэг баримтат кино: Mr Nobody Against Putin

Шилдэг богино хэмжээний баримтат кино: All the Empty Rooms

Шилдэг богино хэмжээний кино: The Singers, Two People Exchanging Saliva

Шилдэг богино хэмжээний анимейшн: The Girl Who Cried Pearls

Шилдэг дуу: Golden, Kpop Demon Hunters

Шилдэг дүрсний эффект: Avatar: Fire and Ash

Шилдэг нүүр хувиргалт ба үс засалт: Frankenstein

Шилдэг зураг авалтын дизайн: Frankenstein

Шилдэг зураг авалт: Sinners

Шилдэг хувцас дизайн: Кейт Хоули, Frankenstein

Шилдэг эвлүүлэг: One Battle After Another