Хайх

Жүжигчин Роберт Паттинсон Warner Bros. кино компанийн продюсероор сонгогдлоо

Жүжигчин Роберт Паттинсон Warner Bros. кино компанийн продюсероор сонгогдлоо

Text: Buro.Mongolia


"The Twilight Saga", "Remember Me", "Water for Elephants" кинонуудаараа олонд танигдсан алдарт жүжигчин Роберт Паттинсон Warner Bros. кино компанитай болон Warner Bros. Television, HBO Max гэх тэдний охин компаниудтай томоохон гэрээ байгуулжээ. Тодруулбал, Роберт Паттинсон эдгээр байгууллагуудын продюсероор сонгогдсон бөгөөд энэ нь түүний өмнө хийж байсан хэлэлцээрүүдээс хамгийн томд нь тооцогдож байна. Түүнд продюсерын ажлынхаа хүрээнд өөрийн дэвшүүлсэн санаанууд дээрээ үндэслэн бүтээлээ туурвих эрх чөлөөг олгосон ба бусад кино компаниудтай хамтран ажиллаж кинонуудад нь дүр бүтээхийг гэрээгээр зөвшөөрчээ. Шинэ албан тушаалынхаа талаар Паттинсон "HBO болон Warner Bros. Pictures нар нь салбартаа тэргүүлэгч шинийг сэдэгчид билээ. Би тэдэнтэй ажиллах болсондоо маш их баяртай байгаа бөгөөд кино, телевизийн салбарт шинэ дуу хоолойг хүргэхээр зорьж ажиллах болно. Мөн тус студийн хамт олонтой ажиллаж байх хугацаандаа тэдний үнэнч хандлага, эрсдэл үүрэх бэлэн байдал болон бүх зүйлд бүтээлчээр ханддаг байдлыг нь өндрөөр үнэлсэн" хэмээн онцолсон юм.

Уншигчдадаа сануулахад, жүжигчин Роберт Паттинсоны тоглосон "Batman" кино 2022 оны гуравдугаар сарын 4-ний өдөр нээлтээ хийх билээ. Тус бүтээлийг кино сонирхогчид тэсэн ядан хүлээж байгаа бөгөөд кино шүүмжлэгчид "Batman"-г дараагийн prequel цуврал гарах эхлэлийг тавина хэмээн таамаглаж байна.

 

 

 

 

 

Төстэй нийтлэлүүд

Buro 24/7-гийн сонголт

цааш үзэх