Ксавье Долан Louis Vuitton-ы намар-өвлийн сурталчилгаанд
Шинэ эриний олон талын авьяастай залуучууд
Louis Vuitton загварын ордон намар-өвөл 2016 улирлын шинэ цуглуулгаа танилцуулж, эрэгтэй шугамынхаа нүүр царайгаар жүжигчин ба найруулагч Ксавье Доланыг тодрууллаа
Доланы хувьд энэ нь брэндтэй хамтарч буй анхны туршлага биш юм. Тэр өмнө нь хоёр улирал дараалан эрэгтэй шугамын нүүр царай болж байсан билээ. Жүжигчин залуугийн оролцсон зураг авалтыг Их Британий зурагчин Аласдер МакЛеллан хариуцсан бөгөөд зургууд дээр дизайнер Ким Жонсын урласан, сүүлийн үед тренд болж буй Explorer үүргэвчтэй цүнх, Traveller Stamps берет малгай ба Keepall Voyager гар цүнх онцлогдсон байна.
