#MNTM: Зурхайн 12 ордыг ивээгч сахиусан тэнгэрүүдийн нууцлаг төрх
Дэмжиж байгаа хүндээ саналаа өгөөрэй!
Та яг одоо Mongolia's Next Top Model реалити шоу нэвтрүүлэгт оролцож буй охидод хамгийн их таалагдсан зургийг үзэх гэж байна. Харин танд тэднээс хэнийх нь зураг хамгийн хүчтэй харагдаж байна вэ? Та дэмжиж буй оролцогчийнхоо зурган дээр дарж саналаа өгөөрэй.
Стилист, дизайнер И.Мөнхтуяа энэхүү зургийн дүр төрхийг бүтээхдээ зурхайн сэдэвтэй зураг, дүрслэлийн тогтсон хийцийг эвдэхийг хүсчээ. Тиймээс охидыг жинхэнэ арслан, загастай адилхан дүрслэх биш харин тухайн ордуудыг ивээгч од, эрхэстэй холбож, астрономын өгүүлэмжийг нь гаргаж өгөхийг зорьжээ. Ингэхдээ тэрээр загас, хумхын орд ус махбодтой гэдгийг илэрхийлж усанд сэлэхэд зориулсан хувцас өмсгөж, энэ зуунд хумхын ордны эрин эхэлж буй учраас хумхын ордны зурганд орсон охинд титэм асааж өгчээ. И.Мөнхтуяа зураг авалтын хувцсыг өөрийн Futuristic Type маркийн сүүлийн цуглуулга болох 12 ордны оддын зурагтай загваруудаар хийсэн байна. Харин гэрэл зурагчин О.Амгалан зургийн өнцгийг сонгохдоо охид яг л сансар, огторгуйгаас бидэн рүү хүчирхэг, нууцлаг харцаараа дээрээс харж байгаа мэтээр дүрсэлжээ.
Зураг авалтын нүүр будалтыг Anara's Make Up гүйцэтгэж, Одон орон геофизикийн хүрээлэнгийн хамт олон өөрсдийн үзмэрүүдээрээ оролцсон байна.
