Премиум зэрэглэлийн Stokke брэнд Монголд: Хүүхдэд шаардлагатай бүх хэрэгсэл
Хүүхдийн тавилгын салбарт хувьсал хийсэн брэнд
Төрсөн цагаасаа л эхлэн аав, ээж төдийгүй эргэн тойрны хүмүүст баяр баясгалан бэлэглэдэг энхрий бяцхан үрсдээ бид хамгийн сайн чанарын, аюулгүй, цаг хугацааны эрхэнд гандаж муудахгүй эд зүйлс хэрэглүүлэхийг хүсдэг нь ойлгомжтой юм. Тэгвэл аав, ээжүүдийн өндөр шаардлагад нийцэж, тэдний өдөр тутмын амьдралд нь хамгийн сайн туслагч болж, өхөөрдөм үрсийг өсөж, том болоход нь дэмжлэг болдог хүүхдийн хэрэгслүүдийг үйлдвэрлэгч Stokke брэндийг бид энэ удаад онцолж байна.
Тус брэнд нь хүүхдийг яг л том хүний адил хоолны ширээнд ая тухтай суулгах арга замыг хайн 1972 онд Tripp Trapp хэмээх өндөр намыг нь тохируулах боломжтой сандлыг зохион бүтээсэн анхны компани юм. Stokke брэндийн олон төрлийн нэрийн бүтээгдэхүүнүүд дунд цэвэр модон сандлууд, хүүхдийн тэрэг болон эвхэгддэг ванн зэрэг нэн чухал хэрэгцээтэй бүтээгдэхүүнүүд байдаг бөгөөд бүгд хүссэн өнгө дизайн, төрлөөрөө худалдаалагддаг билээ. Тиймээс ээж, аавууд маань хүүхдэдээ шаардлагатай эд зүйлийг эндээс иж бүрнээр нь нэг дороос авах боломжтой юм. Тэр тусмаа эдгээр хэрэгслүүд нь манай Монголын уур амьсгал, орчин тойрны бохирдол, цаг агаарын тогтворгүй байдалд тохиромжтой тул танд гарцаагүй таалагдана.
Хэзээд ч эрэлттэй байх скандинав дизайн
Функционал байдлыг чухалчилж, илүү дутуу зүйлгүй энгийн скандинав хэв маягийг баримталдаг Stokke брэндийн сандал, ор, ширээ, тэрэг, чемодан зэрэг хэрэгсэл болон олон төрлийн аксесуарууд нь энгийн атлаа чамин дизайнтай юм. Түүнчлэн ямар ч стилийн интерьерт зохимжтой харагдахаас гадна хөнгөн, овор багатай тул жижиг талбайтай байранд төгс зохицож, өрөө хооронд зөөвөрлөхөд ч хялбар байна.
Чанартай материал
Хүүхдийн хэрэглэх аливаа эд зүйлийн чанар, эдэлгээ, хийц, материал зэрэг нь зөвхөн хүүхэд төдийгүй бүхэл бүтэн гэр бүлийн эрүүл мэндэд нөлөөлдөг. Үүнтэй санал нийлдэг Stokke брэндийн хамт олон хэрэглэгчдэдээ зориулж биед харшлахгүй, хэлбэр дүрсээ алдахгүй, гаднын нөхцөл байдалд тэсвэртэй, мөн олон арван жилийн дараа ч үр хүүхдүүддээ өвлүүлэн үлдээх боломжтой бүтээгдэхүүнүүдийг олон жилийн туршлага, судалгааны ард гарсан чанартай материалаар урлан хүргэхийг зорьдог билээ. Мөн Stokke брэнд байгальд ээлтэй үйлдвэрлэл болон тогтвортой байдлыг эрхэмлэн, ямар ч хортой бодис агуулаагүй, орчин тойронд хор хөнөөл учруулахгүй органик бүтээгдэхүүн урлаж байгаа нь гайхалтай.
Таны хүүхдийг хаана ч, хэзээ ч аюулгүй байлгана
Брэндийн бас нэгэн голчлон анхаардаг зүйл бол энхрий бяцхан үрсийн эрүүл саруул, аюулгүй байдал. Тиймдээ ч Stokke брэнд олон улсын хамаарах байгууллагуудад хүлээн зөвшөөрөгдсөн, өндөр чанарын хэрэгслүүд зохион бүтээж, бяцхан гэр бүлийн гишүүнийхээ аюулгүй байдалд санаа зовохгүй байх боломжийг олгодог юм. Тодруулбал, нарийн инженерчлэлийн арга барилыг ашиглан эцэг, эх болон хүүхдийн биеийн онцлог, хөдөлгөөнийг тооцоолсон, тав тух ба аюулгүй байдлыг дээд зэргээр хангасан эргономик бүтээгдэхүүнүүдийг бүтээдэг байна. Түүнчлэн Stokke брэндийн үйлдвэрлэдэг бүх хэрэгслүүд хүний биед, тэр тусмаа хүүхдийн эрүүл мэндэд хортой нөлөө үзүүлдэг BPA буюу пластик резинийг үйлдвэрлэхэд ашигладаг үйлдвэрийн химийн бодис агуулаагүй гэдгээрээ онцлог юм.
Онцлох бүтээгдэхүүнүүд
Сандал
Tripp Trapp
Орон орны хүүхдүүдэд аав, ээжтэйгээ хамт ширээний ард зэрэгцэн суух боломжийг олгохын сацуу гэр бүлийн халуун дулаан уур амьсгалыг бий болгосон домогт Tripp Trapp өсдөг сандал 49 жилийн турш дизайн болон хийцийн хувьд хэвээр үлдэж, бага насны хүүхэдтэй айл өрхөд нэн хэрэгцээтэй хэрэгслээр тодорсоор байгаа юм. Олон цагаар суусан ч бие чилээхгүй хийц, хүүхэд багачуудыг хормын дотор өөртөө дурлуулах 14 өнгөний сонголт, байгалиас сэдэвлэсэн энгийн, ойлгомжтой, цэмцгэр дизайн болон биед харшилдаггүй, аюулгүй цэвэр модон материалтай. Үүнээс гадна зөв, цэгцтэй суух дадал суулгах хөлийн болон нурууны түшлэг суурилагдсан ба биеийн онцлогийг харгалзан суудал, хөлийн түшлэг зэргийг өөрсдөө тохируулах боломжтой. Хоолоо идэж, хичээлээ хийх зуураа гээд ямар ч тохиолдолд хэрэглэж болохуйц уг сандлыг дөнгөж энэ хорвоод мэндэлсэн нярай хүүхэд төдийгүй насанд хүрэгчид хүртэл хэрэглэхэд тохиромжтой билээ.
Нэмэлт аксесуарууд
Classic cushion
Сандлын түшлэгийн зөөлөвч болон суудлын дэр.
Baby cushion
100% хөвөн даавуугаар хийгдсэн нярай хүүхдийн зөөлөн суудал.
Junior cushion
Хүүхдэд илүү тав тухтай байдлыг мэдрүүлэх зөөлөн суудал.
Newborn Set
Зургаан сар хүртэлх нярай хүүхдүүдийн аюулгүй байдлыг хангах үүднээс хийгдсэн хамгаалалтын бүстэй, хөвөн мэт зөөлөн материалтай суудал.
Baby Set
Дөнгөж хөлд орж байгаа, эсвэл бие даан өөрөө хоолоо идэж сурч байгаа хүүхдүүдэд зориулагдсан хөдөлгөөн хязгаарлахгүй хийц, бүсэлхийгээрээ хамгаалалттай суудал.
Аюулгүйн бүс
Baby Set суудалтай хамт хэрэглэж болох биеийн хөдөлгөөнийг хязгаарлахгүй хүүхдийн аюулгүйн бүс.
Tray
Зургаан сараас гурван нас хүртэлх хүүхдийн хоолны ширээ.
Эд зүйл хадгалах сав
Хүүхдийн хоолны хэрэгслүүдийг хийх сав.
Силикон материалтай хоолны таваг
Цэвэрлэхэд хялбар, удаан эдэлгээтэй хүүхдийн тавиуртай хоолны таваг.
Steps
Суудал, хоолны ширээ, дэр зэргийг нэмэлтээр бэхлэх боломжтой тус сандал нь хүүхдүүдийн сайн найз болж, олон талын ач тусаа хүргэдэг. Гурван төрлийн өнгөний сонголттой бөгөөд хөлийн түшлэгтэй тул бяцхан хүүхдүүд маань хүний туслалцаагүй сандал дээрээ өөрсдөө сууж чадах юм.
Нэмэлт аксесуарууд
Baby Set tray
Хүүхэд хоол идэхэд, аль эсвэл тоглоомоор тоглоход тохиромжтой ширээ.
Baby Set cushion
Baby Set суудалд тохирох сонирхол татам хээ, дизайнтай зөөлөн дэр.
Силикон материалтай хоолны таваг
Энэхүү тавиуртай хоолны таваг нь хүүхдэд биеэ дааж, хоолоо идэхэд нь тусална.
Bouncer саатуулагч сандал
Тусад нь аль эсвэл Steps сандал дээр бэхэлж болох саатуулагч сандал.
Chair cushion
Гулгадаггүй материалаар хийгдэж, илүү тав тухыг мэдрүүлэх суудлын дэр.
Clikk
Хоол идэх үйл явцыг хялбарчлах тус өндөр сандал нь зургаан сараас гурван нас хүртэлх хүүхдэд зориулагдсан юм. Хоолны ширээ, хамгаалалтын бүс, эвтэйхэн суудал зэргээс бүрдэх уг сандал нь угааж цэвэрлэхэд хялбар бөгөөд юуны түрүүнд аюулгүй байдлыг бүрэн тооцоолж, хүүхдийн анатомийн онцлогт тохирсон, биед харшилдаггүй, байгалийн цэвэр материал ашиглан бүтээгдсэнээрээ давуу талтай. Clikk загварын сандал ресторануудын бяцхан үйлчлүүлэгчдэд тав тухыг бэлэглэх нь гарцаагүй юм. Түүнчлэн олон эцэг, эхчүүдийн санал хүсэлт дээр суурилан бүтээгдсэн тус сандлыг угсрахад ердөө нэг минут шаардлагатай тул таны цаг, эрч хүчийг хэмнэх болно. Clikk сандал эвэрлэг модны урт хөл, цагаан, саарал, шүрэн, пастель ногоон гэсэн өнгөний сонголттой сандлаас бүрдэнэ.
Нэмэлт аксесуарууд
Cushion
Аав, ээжийн тусламжгүйгээр сандал дээр сууж сурч буй бяцхан үрсэд нэмэлт дэмжлэг үзүүлэх зөөлөн дэр.
Аяллын үүргэвч
Бат бөх даавуун материалаар хийгдсэн үүргэвчинд Clikk загварын сандлын деталиудыг салгаж, хийснээр аялалд авч явах боломжтой.
Силикон материалтай хоолны таваг
Хүүхэд болгоомжгүй үйлдэл хийсэн ч хоолны ширээн дээр сайн тогтож, тийм ч амар гулгаж, газар унадаггүй таваг.
Хүүхдийн ор
Sleepi
Хором мөч бүр өсөж томорч, хөгжиж байдаг бяцхан үрстэй хамт өсдөг Sleepi ор тав тух, аюулгүй байдлыг дээд зэргээр хангадаг. Sleepi Mini, Sleepi Junior болон Sleepi Bed гэх гурван төрлийн хэмжээтэйгээр борлуулагддаг энэхүү ор нь авсаархан дизайн, 360 градус саадгүй эргэлдэх дугуйны ачаар айл гэрийн аль ч өрөөнд байрлах боломжтой. Мөн 100% царс модоор хийгдсэн уг ор нь бүхий л дуу авиаг шингээж, хүүхдийг ая тухтай тайван нойрсоход нь тусална. Өсөн хөгжиж буй хүүхдийн хэмжээнд тааруулан тусгай тэлэгч хэрэгслийн тусламжтайгаар орыг өөрчлөх боломжтой нь экологийн хувьд эерэг үр дагавартайгаас гадна санхүүд хэмнэлттэй. Энгийн атлаа чамин дизайнд дуртай хүний сэтгэлд нийцэх энэ ор нь цагаан, байгалийн модон, саарал гээд гурван өнгөний сонголттой билээ.
Нэмэлт аксесуарууд
Mini Bumper
Орны толгой, хөл хэсэгт уяснаар энхрий үрс маань толгой болон хөлөө гэмтээх эрсдэл буурна.
Bed Extension
Олон насны ангилалтай хүүхдийн Sleepi орыг томруулах хэрэгсэл.
Матраас
Хэмжээний өргөн сонголттой 100% хөвөн даавуун зөөлөн матраас.
Орны хөшиг
Цасан цагаан өнгийн орны хөшиг тохилог орчин бүрдүүлж, хүүхдийг тайвшруулах болно.
Хүүхдийн живх солих тавцан
Шинэхэн эцэг, эхчүүдийн хамгийн сайн туслах болж чадах нярай хүүхдийн тусгай тавцан.
Шүүгээ
Гурван тасалгаанаас бүрдэх уг шүүгээн дээр тусгай тавцан байрлуулснаар нярай хүүхдийнхээ живхийг солиход тун тохиромжтой байх болно.
Хүүхдийн ванн
Flexi Bath
Flexi Bath эвхэгддэг ванн нь жижиг болон том хэмжээтэй бөгөөд халтирдаггүй суурьтай, мөн усыг доош нь шавхах зорилготой авсаархан бөглөөтэй. Бөглөө нь усны хэм мэдрэх тусгай чадвартай ба ус хэт халуун болсон тохиолдолд өнгөө өөрчлөн, хараас улаан өнгөтэй болдог юм. Ингэснээр хүүхдүүдийг гэмтэхээс сэргийлэх болно. Зургаа хүртэлх насны хүүхэд хэрэглэх боломжтой энэ ванн нь хөнгөн бүтэцтэй тул зөөж авч явахад эвтэйхэн билээ.
Нэмэлт аксесуарууд
Нярай хүүхдийн түшлэг
Найман сар хүртэлх нярай хүүхдийн аюулгүй байдлыг хангах, эхийн хайр дүүрэн гарыг санагдуулах түшлэг.
Ванны тавиур
Хэрэглэж, зөөхөд хялбар тус тавиурын ачаар хүүхдээ өөрт эвтэйхэн өндөрт аваачих боломжтой.
Хүүхдийн тэрэг
Xplory X
Red Dot Design Award тэмцээнээс 2021 оны шилдэг дизайнтай бүтээгдэхүүнээр тодорсон домогт Xplory X хүүхдийн тэрэг. Ээж, аавуудад зориулсан цүнх, хүүхдийн тав тухтай байдлыг хангах суудал, хоёр эсрэг тал руу харах боломжтой сандал зэргээс бүрдэх энэхүү тэрэг нь орон орны хэрэглэгчдийг байлдан дагуулсаар байна. Практикал байдал, загварлаг дизайн, хүүхдийн хөдөлгөөн хязгаарлахгүй хийц болон найдвартай тоормостой уг тэрэг нь орчин үеийн их хотын амьдралын хэв маягт төгс нийцэх болно. Мөн Stokke брэндийн хүүхдийн тэрэгнүүд нь гудамж, талбай, цэцэрлэгт хүрээлэн, байгаль гээд хаана ч хэрэглэхэд хялбар, авсаархан байж, тав тухыг хангах юм. Stokke хүүхдийн тэрэгний давуу талууд үүгээр зогсохгүй бөгөөд дизайнерууд тэрэгний даавуун материалыг сонгохдоо ч маш хариуцлагатай ханджээ. Xplory X тэрэгний материал нь хүчтэй салхи, бороо болон нарны хэт ягаан туяа буюу UPF 50+ хамгаалалттай юм. Алтан шаргал, хар, саарал, хөх, улаан зэрэг өнгөний сонголттой бөгөөд хүүхдийн нуруу ба хүзүүнд тулгууртай, суух үед биеийн жинг нь тэнцвэртэй хуваарилна.
Нэмэлт аксесуарууд
Зөөврийн өлгий
Том орон зай эзлэхгүй, бат бөх хийцтэй авсаархан өлгий.
Цүнх
Тэргэнд бэхлэх, эсвэл аав, ээжүүд өөрсдөө үүрээд явахад тохиромжтой, багтаамж сайтай цүнх.
Тэрэгний цүнх
Бүх төрлийн хэмжээтэй хүүхдийн тэрэг багтаах чадвартай тус цүнх нь таны машиныг шавар шавхай, тоосноос хамгаалах болно. Мөн онгоц, галт тэрэг зэргээр аялж байгаа тохиолдолд тэргийг гаднын нөлөөнөөс хамгаална.
Шумуулын эсрэг тор
Аагим халуун зуны улиралд хүүхдийг ялаа, шумуулаас хамгаална.
Биеийн комбинзон
Ус нэвтрүүлдэггүй, дулаанаа хадгалах чадвартай комбинзон.
Аяганы суурь
Тэрэгний бариулаас бэхлэх боломжтой тул халуун цай, кофегоо хүүхэдтэйгээ зугаалж байх үед авч явах боломжийг олгоно.
Хүүхдийн автомашины суудал
IZI Go Modular
Энэхүү хүүхдийн автомашины суудал нь хаашаа ч явсан тав тухтай бөгөөд бяцхан гэр бүлийн гишүүнийхээ аюулгүй байдалд санаа зовохгүй байх боломжийг бүрдүүлдэг.
Аяллын чемодан
Jetkids By Stokke
Хэдий бага хэмжээтэй харагдах ч дотроо багтаамж сайтай уг өнгөлөг чемодан нь хүүхдийн сандал, хөлийн түшлэг, эсвэл ор болж хувирах олон үйлдэлтэй. Скандинав дизайн болон практикал байдлыг хослуулсан уг чемодан нь зөвхөн баяр баясгалан л авчирна гэдэгт итгэлтэй байж болох юм. Мөн олон улсын агаарын тээврийн холбооны (IATA) гаргасан онгоцны кабинд зөвшөөрөгдсөн ачааны стандартад бүрэн нийцсэн тул хүүхэд тань Jetkids чемодантай санаа зоволтгүй хүссэн газар луугаа аялах боломжтой.
Нэмэлт аксесуар
Crew Backpack
Нөхцөл байдлаас хамааран хэмжээг нь томруулах боломжтой үүргэвч.
EDES Trading LLC.
Хаяг: Зайсан Скуэр төв, 2 давхар
Утас: +976 99906137
Instagram: @edestrading
Facebook: EDES Trading
