Met Gala 2022: After party-нд оролцсон алдартнууд

Met Gala 2022 үдэшлэг амжилттай зохион байгуулагдаж өндөрлөлөө. Үндсэн арга хэмжээний дараа хүрэлцэн ирсэн алдартнууд ёслолын хоёрдугаар хэсэг болох after party-нд оролцсон бөгөөд тэдний бүрдүүлсэн төрхүүд камерын дуранд өртжээ. After Party-ны хувьд цаанаас нь тогтоосон дресс кодгүй байсан ч нэвт гэрэлтсэн, гоёмсог дотуур хувцас зонхилсон байв. Тухайлбал, Хейли Бибер гинжин хөхний даруулга, мини шоортоо oversize пиджак болон Saint Laurent брэндийн өндөр өсгийттэй хослуулсан бол Кендалл Женнер Miu Miu-гийн намар-өвөл 2022 цуглуулгад багтсан дотуур хувцас болон цэцгэн хатгамалтай торон хослол өмссөн байв. Харин Белла Хадид Турк дизайнер Дилара Фындыкоглугийн зөвхөн түүнд зориулж урласан торон хослолоор төрхөө бүрдүүлжээ. Түүний хувцсыг гар аргаар нэхсэн даавуу болон 120 жилийн настай материал ашиглан урласнаараа онцлог юм.