Энэ зун бид үсээ “аалзан” хавчаараар хавчина

Юуны өмнө "аалзан" хавчаараар үсээ дээш хавчихад маш эвтэйхэн байдгийг онцлох хэрэгтэй. Хэдийгээр энэ аксесуар нь аль 80, 90-ээд онд л тренд болж байсан ч сүүлийн хоёр жилийн хугацаанд дизайнеруудын загварын шоунууд дээр бага багаар үзэгдсээр одоо энэ оны зун оргил үедээ хүрэх гэж байна. Сүүлд л гэхэд, Alexander Wang-ийн намар-өвөл 2021 загварын шоу дээр бүх моделиуд "аалзан" хавчаараар үсээ дээш шуусан харагдсан ба Белла Хадид зэрэг инфлюэнсерүүд энэхүү аксесуараас салахаа байсан билээ.

Беллагаас гадна түүний найзууд болох Кендалл Женнер, Кайя Гербер болон Хейли Бибер нар "аалзан" хавчаарыг өдөр тутамдаа хэрэглэн тренд болоход нь нөлөөлж байна.

Харин дизайны хувьд алтлаг, тунгалаг, эсвэл Францын туаль-де-жуи хээтэй гээд маш өргөн сонголт бий.