Хайх

Оскарын наадам энэ жил дахин хөтлөгчгүй зохион байгуулагдана

Оскарын наадам энэ жил дахин хөтлөгчгүй зохион байгуулагдана

92 дах удаагийн ёслол тун удахгүй зохиогдох гэж байна

Text: Бюро 24/7


Зураг:

2020 оны Оскарын наадам буюу Америкийн кино академийн шагнал гардуулах ёслол өнгөрсөн жилтэй адил дахин хөтлөгчгүй зохион байгуулагдахаар болжээ. Эргэн сануулахад 2019 онд жүжигчин Кевин Харт арга хэмжээг хөтлөн явуулах байсан ч амжилтгүй хошигнолоосоо болж энэ үүргээсээ татгалзахад хүрсэн билээ. Тэгвэл Оскарын наадмын зохион байгуулагчид энэ жил өнгөрсөн оны туршилтаа дахин давтаж ёслолыг хөтлөгчгүй явуулахаар болсон байна.

Зохион байгуулагчдын хэлснээр өнгөрсөн жилийн Оскарын шагнал гардуулах ёслолын рейтинг 12% өссөн үзүүлэлттэй гарсан гэнэ. "Оскар маш сонирхолтой, гэнэтийн бэлгээр дүүрэн болж өнгөрсөн. Энэ жил ч мөн рейтинг өндөртэй болно гэж бодож байгаа учраас бид энэхүү шийдвэртээ итгэлтэй байгаа" гэж ABC Entertainment компанийн ерөнхийлөгч Кeри Берк мэдэгдсэн байна. Мөн тэрээр номинац дундуур заавал хошигнолд сатааралгүй кино болон жүжигчдэдээ төвлөрөх хэрэгтэй хэмээн онцолсон юм. Үүний зэрэгцээ Оскарын наадмын хөтөлбөрт урлагийн тоглолтууд, одод болон бусад гэнэтийн бэлэгнүүд багтсан байгааг зохион байгуулагчдын зүгээс мэдэгджээ.

Оскарын 92 дах удаагийн наадам 2020 оны хоёрдугаар сарын 9-нд зохион байгуулагдана.

Төстэй нийтлэлүүд

Buro 24/7-гийн сонголт

Сэтгэгдэл бичих

цааш үзэх