Миланы загварын долоо хоногийн шилдэг street style төрхүүд

Есдүгээр сарын 19-25 хооронд Миланы хавар-зун 2024 улирлын загварын долоо хоног амжилттай болж өндөрлөлөө. Энэ жил Bottega Veneta, Dolce & Gabbana, Ferragamo, Versace, MSGM, Gucci, Prada зэрэг ордны цуглуулгууд олны анхаарлыг хамгийн их татаж чаджээ. Тус арга хэмжээнд маш олон алдартнууд цуглаж хувцаслалтаараа загварын шоуг чимж өгсөн бөгөөд супермодель Наоми Кэмпбелл болон Линда Эвангелиста Fendi брэндийн өнгө дагуу хослолоор гоёж, жүжигчин Эмма Уотсон Prada брэндийн жижиг хар даашинзаар минимал төрхийг бүрдүүлэн ирсэн байна. Мөн Кайли Женнер болон София Ричи нар “quiet luxury” стилийг санагдуулам хувцаслалттай загварын долоо хоногт зочиллоо.

Энэ жил Милан хотын иргэд этгээд, өвөрмөц дүр төрхөөр загварын гудамжийг дүүргэж өгч байна. Тэдний дунд хар, цагаан, тод улаан болон хуучирсан мэт хүрэн өнгөнүүд зонхилж байсан бол хувцаслалтын хувьд ихэвчлэн макси болон мини юбка, чөлөөт хэлбэрийн урт даашинз, төрөл бүрийн мөнгөлөг хувцас болон денимийг олон янзаар загварчлан өмсжээ. Ингээд хотын залуусын нүд хужирлам дүр төрхтэй танилцацгаая.