Хуримын гэрчүүд цэцэгсийн өнгөөр ижилсэхүй

Хуримын улирал айлчлан ирж, гал голомтоо бадраах хосуудын тангараг өргөх ёслолууд ээлж дараалан зохион байгуулагдах энэ өдрүүдэд сүйт бүсгүйн даашинз төдийгүй түүний дэргэд зогсох хуримын гэрч бүсгүйчүүдийн гоёл ч мөн адил анхаарах ёстой сэдэв болдог. Сүүлийн жилүүдэд хуримын цэнгүүний уур амьсгал, хувцаслах хэв маяг илүү байгалийн, тайван өнгө аясыг эрхэмлэх болсон.

Неон болон гялалзсан материалыг түр хойш тавьж, байгаль дээрх цэцэгсийн өнгөнөөс санаа авсан хуримын гэрчүүдийн даашинз энэ жилийн хамгийн тансаг сонголтод тооцогдож байна. Яагаад цэцэгсийн өнгө гэж? Хуримын ёслолыг цэцэггүйгээр төсөөлөхийн аргагүй. Хуримын цэнгүүн тэр чигтээ цэцэгсээр чимэглэгддэг, зарим хүмүүс цэцгийг богино амьтай гэж харах нь бий ч үнэндээ цэцэг яг тухайн мөчид одоо цагийн гоо үзэсгэлэнг бэлгэдэж байдаг. Магадгүй хуримын өдөр бидэнд сануулах хамгийн чухал зүйл нь ч энэ биз ээ.

Тиймээс хуримын гэрч бүсгүйчүүдийн даашинзыг зөвхөн нэг өнгөөр хязгаарлахын оронд нэг өнгөний бүлэгт багтах, цэцэгсийн өнгөтэй дүйх даашинзнуудыг сонгоорой. Ингээд уншигчдадаа цэцэгсийн өнгөөр ижилссэн хуримын гэрчүүдийн даашинзны санаануудыг хүргэж байна.