Эрчүүд болон эмэгтэйчүүд Валентинаар ямар бэлэг авахыг хүсдэгээ хэллээ

Дэлхий нийтээрээ тэмдэглэдэг дурлалт хосуудын Гэгээн Валентины баяр хаяанд ирлээ. Жил бүрийн өдийд BURO. уншигчдынхаа ажлыг хялбарчлах үүднээс хүн бүрийн сонирхолд нийцэх шилдэг бэлгүүдийг нэгтгэн хүргэдэг билээ. Энэ оны бэлэгний хөтөчдөө бид илүү олон хүний хүсэл, сонирхлыг тусгах үүднээс өөр, өөр насны эрчүүд болон эмэгтэйчүүдээс ямар бэлэг авахыг хүсдэгийг нь тодрууллаа. Мөн тэдгээр бэлгүүдийг Улаанбаатарын хаанаас олж, худалдан авч болох талаарх мэдээллийг давхар орууллаа.

Дөлгөөн, 17 настай, эрэгтэй

"Надад хэрэгтэй бэлэг өгвөл гоё. Тэр хүн намайг хэр сайн мэддэг нь бэлгээс нь давхар харагдана. Миний хувьд сайн чанарын чихэвчид их дуртай".

Саруул, 21 настай, эмэгтэй

“Хосуудын баяр гэдэг утгаараа хамтдаа хийж болох сонирхолтой зүйл турших дуртай. Жишээ нь, керамик урлал хийх, зураг зурах гэх мэт”.

Сарангоо, 22 настай, эмэгтэй

“Найз залуу бид хоёрын хувьд Валентины баярыг нүсэр тэмдэглэхээсээ илүү бие биедээ нэн хэрэгцээтэй зүйл бэлэглэн даруухан өнгөрөөхийг илүүд үздэг. Жишээ нь, үргэлж биедээ авч явж, өдөр тутамдаа хэрэглэдэг гарын тосоо авмаар байна”.

Shea Butter Hand Cream 150ml

20% ши самрын тосны найрлагатай, арьсанд гүн тэжээл өгөн чийгшүүлэх, зөөлрүүлэх үйлчилгээтэй, савлагаа нь 95%-ийн дахин ашиглах боломжтой хөнгөн цагаан материалаар хийгдсэн.

Ариунтунгалаг, 24 настай, эмэгтэй

"Валентины баярыг шоколадгүйгээр төсөөлшгүй. Тэр дундаа дэлгүүрүүдээр түгээмэл зарагдаад байдаггүй, мөн өмнө нь амталж үзээгүй тийм л шоколадны эрэлд гараад бие биедээ бэлэглэх сонирхолтой байдаг".

Geisha ойн самартай, сүүтэй шоколад

Финлянд улсын Fazer компанийн олон улсын бестселлер бүтээгдэхүүн.

Билгүүн, 25 настай, эрэгтэй

“Ер нь баяраар үнэртэй ус бэлгэнд авах их тохиромжтой санагддаг. Удаан хэрэглэгддэг төдийгүй шилийг нь дурсамж болгон хадгалах боломжтой нь таалагддаг”.

Coach Man Blue Eau de Toilette 

Цитрус, хуш мод, ozone буюу борооны дараах чийг мэт сэнгэнэсэн ноотууд давамгайлсан.

Батцэцэг, 28 настай, эмэгтэй

"Арьс арчилгааг чухалчилдаг хүний хувьд ямар ч баяр байсан гоо сайхны бүтээгдэхүүн бэлгэнд авах маш их дуртай".

Shiseido, эмэгтэй гоо сайхны ком

Шөнийн тос, эмульс, серум, цайруулах үйлчилгээтэй тос.

Ариунаа, 30 настай, эмэгтэй

“Валентины өдрөөр романтик уур амьсгал бүрдсэн, гоё орчинтой ресторанд хайртай хүнтэйгээ элдэв зүйл ярилцах зуураа курс меню бүхий зоог барьж, шинэ хоол амтлах дуртай”.

Мөнхжин, 30 настай, эрэгтэй

"Эрчүүдийн гоо сайхны хамгийн чухал зүйлсийн нэг бол сахлын ком. Ямар ч эр хүнд бэлэглэсэн шүүгээнд нь тоос дарж хэвтэхгүй нь ойлгомжтой".

Заяа, 31 настай, эмэгтэй

"Миний бодлоор хайрыг хамгийн сайн илэрхийлж чаддаг зүйл бол үнэт эдлэл тул Валентины баяраар үнэт эдлэл авахыг хүсч байна".

MIKOTO брэндийн сувдан эдлэл

MIKOTO нь өөгүй бөөрөнхий хэлбэр, гялтганасан өнгө, тунгалаг байдал болон дээд зэрэглэлийн чанараараа дэлхийд гайхагддаг Японы Акоя сувдаар эдлэлүүдээ урладаг.

Оргил, 32 настай, эрэгтэй

"Би нэг жилийн өмнө найз охиноосоо арьс арчилгааны ком бэлгэнд аваад анх удаа бүрэн утгаар нь арьсаа арчилж эхэлсэн. Ямар чухал байсныг нь ойлгоод одоо тогтмол арчилж байгаа. Тиймээс энэ жил арчилгааны бүтээгдэхүүн бэлгэнд авмаар байна. Хоёр жил дарааллаж өгөхгүй байж таарвал өөрөө өөртөө авна аа".

Shiseido, эрэгтэй гоо сайхны ком

Нүүр цэвэрлэгч, серум, чийгшүүлэгч тос, SPF 50+ нарны тос, SPF 30 BB чийгшүүлэгч, өө дарагч, хөмсөгний харандаа, уруул өнгөлөгч

Сувдмаа, 46 настай, эмэгтэй

"Миний хувьд аливаа баярын өдрөөр мартагдашгүй дурсамжийг бүтээхийг зорьдог. Харин дурсамжаа хадгалж үлдэхэд үнэртэй ус тусалдаг болов уу. Энэ бол ганцхан цацаад үнэрлэх төдийд л тухайн өдрийн бүх дурсамжуудыг сэргээж өгдөг гайхалтай зүйл юм".

Kelly Caleche Hermès

Савхи, цитрус, сарнайн ноотууд давамгайлсан.

Болд, 37 настай, эрэгтэй

"Эмэгтэй нь бэлгэнд юу авахыг хүсч байгаагаа шууд хэлээд намайг сэтгэл санаагаар тайван байлгах нь Валентины хамгийн гоё бэлэг".